Məşhurlardan maraqlı etiraflar

“Park Cinema”da "Addım" yaradıcı gənclər assosiyasının təşkilatçılığı ilə Bakıda ilk dəfə 31 May - Beynəlxalq tütün əleyhinə mübarizə günündə keçirilen “No Smoking”...

    “Park Cinema”da "Addım" yaradıcı gənclər assosiyasının təşkilatçılığı ilə Bakıda ilk dəfə 31 May - Beynəlxalq tütün əleyhinə mübarizə günündə keçirilen “No Smoking” Film Festivalı ilə bağlı tədbir təşkil olunub.Tədbiri ilk olaraq assosiasiyanın təsisçilərindən biri Ülkər Qasımova açıb.

     Daha sonra söz alan müğənni Eldar Qasımov gənclər üçün hazırlanan bu layihənin çoxdan reallaşmasını arzuladığını söyləyib. Xalq artisti Brilliant Dadaşova da siqaretin zərərləri barədə danışaraq hər kəsi gənclərə örnək olmağa səsləyib.  

     Daha sonra məşhuların iştirakı ilə hazırlanan video çarx jurnalistlərə təqdim olunub.  Layihənin promo videosunda xalq artisti Brilliant Dadaşova, əməkdar artist Elza Seyidcahan, şoumen Murad Dadaşov, müğənnilər Eldar Qasımov, Səbinə Babayeva, Elnarə Xəlilova, Azəri qızı Günel, Elnur Məmmədov, meyxanaçı Namiq Qaraçuxurlu, teleaparıcı Səxavət Nur və başqaları çəkilib. Mətbuat nümayəndələri tərəfindən alqışlarla qarşılanan  videonun digər sosial reklamlardan fərqi ondadır  ki, iştirak edən məşhurlar maraqlı etiraflarla çıxış ediblər. 

     Qeyd edək ki, festival siqaret əleyhinə çəkilən qısa metrajlı filmlər müsabiqəsidir. Peşəkarlardan ibarət münsiflər heyyətinin seçəcəyi qaliblər mayın 31-də gerçəkləşən möhtəşəm qala gecəsində müxtəlif hədiyyələr qazanacaqlar.

 

Səma Ələsgərova

Bəxtiyar Nəsirov

 

Muz-Tv.az