Serdar Ortaç hər kəsi heyrətləndirdi

Ispaniyalı məşhur müğənni Xulio İqlesias Castin Biberlə duet oxumaq istədiyini bildirib. 

     Ispaniyalı məşhur müğənni Xulio İqlesias Castin Biberlə duet oxumaq istədiyini bildirib. Karyerası ərzində 300 milyon albom satan qocaman sənətkar özünü kanadalı yeniyetmənin fanatı hesab edir. “Bu balaca oğlanı çox sevirəm” – deyə İqlesias mwsahibələrindən birində söyləyib. Bundan əlavə, müğənni məmnuniyyətlə Bruno Mars və Castin Timberleyklə də birgə mahnı ifa edə biləcəyini qeyd edib.

      Müğənni Sərdar Ortaç Kiprdə konsert zamanı hər kəsi heyrətləndirəcək açıqlama verib.  O, 20 illik qumar həyatında 50 milyon dollar pul uduzduğunu deyib. “Qumarı tamamilə buraxmışam. Bütün uduzduğum pulları halal edib bu işdən birdəfəlik uzaqlaşdım”- deyə ifaçı sözlərinə əlavə edib.

      Nüfuzlu “People” jurnalı dünyanın ana olmağa hazırlaşan ən dəbli xanımlarının reytinq siyahısını hazırlayıb.  Sıralamada  ən dəbli ana kimi Kembric şahzadəsi Uilyamın həyat yoldaşı Keyt Midlton seçilib. Dəb mütəxəssisləri hesab edir ki, hamilə olmasına baxmayaraq, Keyt öz geyim stilini dəyişməyib və əvvəlki eleqantlığını qoruyub saxlayıb.  Şahzadədən sonrakı yerlərdə aktyor Alek Bolduinin həyat yoldaşı Hilariya Bolduin, britaniyalı teleaparıcı Piçes Geldof, amerikalı aktrisa Halle Berri və ispaniyalı ulduz Penelopa Kruz qərarlaşıb.

    Müğənni Lana Del Rey yeni “Young and Beautiful” mahnısını təqdim edib. Bu trek də “Böyük Qetsbi” filminin əsas soundtreklərindəndir.  Kompozisiyanın müəllifi repçi Jay Z-dir.  Mahnı aprelin 24-də təqdim ediləcək. Xatırladaq ki, Lana ifasının bu filmdə səslənməsindən çox qürur duyduğunu vurğulamışdı.  Sözügedən ekran əsəri isə mayın 16-da izləyicilərin ixtiyarına veriləcək.

 

Sahilə Aslanova

 

Muz-Tv.az