Monika Beluççi gözəllik sirlərini açıqladı

Dünya şöhrətli ulduz Cennifer Lopez rusiyalı rejissor Marius Veizberqin filminə çəkiləcək. 

    Dünya şöhrətli ulduz Cennifer Lopez rusiyalı rejissor Marius Veizberqin filminə çəkiləcək. Ekran əsərinin ssenarisi hollivudsayağı sujet xəttinə malik olduğuna görə rejissor məşhur simaları əməkdaşlıq üçün Rusiyaya dəvət edib. Belə ki, kişi rollarını ifa etmək üçün Kevin Kostner və Corc Kluni, qadın roluna isə Cennifer Lopezin namizədliyi irəli sürülüb.

    Amerikalı müğənni Britni Spirs “The Smurfs-2” animasiya filminə yazılan soundtrek ifa edib. Mahnı “Ooh La La” adlanır. Sözügedən musiqi filmin sonunda səslənəcək. Qeyd edək ki, trekin müəllifləri Lukas Qotvold, Coşua Kolmen, Henri Volter, Bonni Makkidir.

    “Yatcaz Kalkcaz Ordayım” mahnısı ilə şöhrətini daha da artıran türkiyəli sənətçi Gülşən İzmirdə sevənlərinə konsert verib. Müğənninin çıxışını izləmək üçün 3 minə yaxın insan gəlib. Gülşən ifası ilə yanaşı rəqsləri ilə də konsertə təşrif buyuranları heyran edib. Qeyd edək ki, sənətçi xanımın libası da qonaqları təəccübləndirib.

    Dünyanın ən gözəl qadınlarından biri hesab edilən, keçmiş İtaliya gözəli, aktrisa Monika Beluççi 50 yaşında olmasına baxmayaraq hələ də möhtəşəm görünüşü ilə hamını heyran edir. O, öz gözəllik sirlərini sevənləri ilə bölüşüb. Belə ki, Beluççi günə soyuq duşla başlayır. Çünki soyuq duş dərinin elastikliyini qoruyur və möhkəmləndirir. Aktrisanın fikrincə, artıq makiyaj qadını gözəlləşdirmir, əksində daha da çirkinləşdirir. O, şampundan çox istifadənin saçların təbii quruluşunu pozduğunu bildirib. Bunun üçün də həftədə maksimum iki dəfə saçları şampunla yumaq lazımdır. Saçların başqa bir düşməni isə qurutma avadanlıqları, fenlərdir. Bundan əlavə, o idmanla da müntəzəm məşğul olur.

 

Sərvər Mehdiyev

 

Muz-Tv.az