Zülfiyyə Xanbabayeva və Miri Yusifdən yeni layihə

Ötən həftə mini konsert proqramı ilə heyranlarının görüşünə gələn xalq artisti Zülfiyyə Xanbabayeva və ifaçı Miri Yusif yeni layihə üzərində çalışır.

    Ötən həftə mini konsert proqramı ilə heyranlarının görüşünə gələn xalq artisti Zülfiyyə Xanbabayeva və ifaçı Miri Yusif yeni layihə üzərində çalışır. Bu haqda açıqlama verən sənətçi ilk olaraq duet oxuyacaqlarını deyib:“Konsertdən sonra oturub söhbət etdik. Birgə duet ifa etmək qərarına gəldik. Yayın ilk aylarında mahnını təqdim edib klip çəkilişlərinə başlayacağıq”.

    Əməkdar artist Sevda Ələkbərzadə heyranlarını sevindirməyə hazırlaşır. Belə ki, müğənni mayın 3-də paytaxtın məşhur restoranlarından birində konsert proqramı ilə çıxış edəcək. Sevda xanım konsertdə repertuarındakı sevilən hitləri ilə yanaşı yeni mahnılarını da ifa edəcəyini deyib.

   Gənc müğənni Əbdül Xalid gecə saatlarında xəstəxanaya yerləşdirilib. Qəfildən halı pisləşən sənətçi həkim nəzarətində saxlanılır. İfaçının meneceri Rüstəm Firudinoğlu bildirib ki, son günlər Xalid özünü yaxşı hiss etmirdi:“Səhər onunla əlaqə saxladım. İndi özünə gəlib və vəziyyəti normaldır. Həkimlər müayinədən sonra dəqiq məlumat verəcəklər” –deyə Rüstəm bəy bildirib.

    Ötən gün həbs edilən rejissor Aqil M.Quliyev ittihamları rədd edib. Onun vəkili Xalid Bağırovun sözlərinə görə, klipmeyker yaxın rəfiqəsinin anası olan həmin qadına həqiqətən də borclu olduğunu etiraf edib. Amma məbləğin 150 min yox, 50 min olduğunu bildirib.  Qeyd edək ki, verilən qərarla razılaşmayan rejissor apelyasiya məhkəməsinə müraciət edəcək. Vəkilin dediyinə görə, məhkəmədə zərərçəkən tərəf kimi çıxış edən Marianna Turabovanın qızı anasına etiraz edib və Aqil bəyin günahsız yerə həbs edildiyini deyib.  Amma bu, məhkəmənin qərarını dəyişməyib.

 

Sərvər Mehdiyev

 

Muz-Tv.az