“Univision “iştirakçısı müsabiqə üçün yeni mahnı yazdırdı

Turan Eldarova “Univision” tələbə yarışmasına Azərbaycan Dövlət İqtisad Universitetindən... 

Turan Eldarova “Univision” tələbə yarışmasına Azərbaycan Dövlət İqtisad Universitetindən qatılıb. 1993-cu il 27 may tarixində anadan olan Turan 5 yaşında ikən 221 saylı məktəbə daxil olub. Həmin məktəbi isə 2009-cu ildə bitirib: ”Əvvəlcə maliyyə fakültəsinə , birinci kursdan isə imtahan verərək “Beynəlxalq iqtisadi münasibətlər”ə xüsusi istedadlar qrupuna daxil olmuşam”.Universitetin Tələbə Gənclər Təşkilatının sədr müavini olan yarışmaçı ictimai fəaliyyəti çox sevdiyini deyir. Mahnı oxumaq və piano çalmaq isə onun üçün ən zövqlü işdir. Rəqiblərinin gücünə bələd olmayan Turan özünü birinci yerdə görür. Müsabiqə üçün yeni mahnı yazdıran İqtisad Universitetinin tələbəsi bildirdi ki, mahnının sözləri bacısı Nərgiz Eldarovaya, musiqisi isə Gülsüm Abdullaqızına məxsusdur. Mahnının xoşladığı rok və caz stilində olduğunu açıqlayan iştirakçı Univision müsabiqəsinə qatılmaqda məqsədini də açıqladı: “Univision yarışmasında Universitetimi təmsil etmək istəyirəm,çünki çox kreativ layihedir.Turan həmçinin qeyd etdi ki, növbəti illərdə də belə yaradıcı müsabiqələrin keçirilməsini çox arzulayır.

Çinarə Nurməmmədova
Ramal Gülməmmədov

Muz-Tv.az