Şou-biznesdən ən yeni xəbərlər

Əməkdar artist Tünzalə Ağayeva sosial mövzuda mahnı hazırlayıb. Müğənni may ayında bir neçə yeni kompazisiya təqdim edəcəyini deyib:“Arazam, Kürə bəndəm” adlı mahnı...

    Əməkdar artist Tünzalə Ağayeva sosial mövzuda mahnı hazırlayıb. Müğənni may ayında bir neçə yeni kompazisiya təqdim edəcəyini deyib:“Arazam, Kürə bəndəm” adlı mahnı  hazırlayıram. Çox fərqli və maraqlı bir aranjemanda olacaq.  Əsərin sözləri şair Rafiq Zəka Xəndana aiddir. Bununla yanaşı sosial bir layihədə iştirak edirəm. Həmin layihə ilə bağlı yeni mahnı yazdırmışam. Onun sinqlını çıxaracağam. Mahnı yeni olduğu üçün adını dəqiqləşdirməmişik”-deyə o, əlavə edib.

    Müğənni Röya “Gəmiçilər” mahnısına ekran həyatı verib. Türkiyəli rejissor tərəfindən çəkilən klip maraqlı süjet xəttinə malikdir. Qeyd edək ki, ekran işi elə qardaş ölkədə lentə alınıb. 

    Müğənni Natavan Həbibi yeni çıxan “Sus” adlı mahnısına klip çəkdirir. Sənətçinin prodüseri Roland Bayramov klipin hindsayağı olacağını deyib: O, :“Hazırda ssenari üzərində işləyirik. Mahnının musiqisi bir az hindsayağıdır. Rejissoru Nail Naiboğlu olacaq. Gələn həftə klip çəkilişlərinə başlayacağıq. Mayın ilk həftəsində isə “Düşünürəm” mahnısı ekranlaşdırılacaq”-deyə əlavə edib. Prodüser bu yay Natavanın bir neçə konsert verəcəyini də bildirib: “Yay ayları üçün çoxlu planlarımız var. Natavan dəniz kənarında və bir neçə klubda konsert verəcək”.

    Müğənni Ayan Babakişiyeva tanqo üslubunda olan “Sənin eşqin xəyanətdir” adlı mahnısına klip çəkdirib. Musiqisi Emin Minyaşev, sözləri İkram Əliyevə aid olan bəstəyə rejissor Asif Bafaoğluekran həyatı verib. Klipdə qrafika işi ön plandadır. Bu mini klip Ayanın müxtəlif şəkilləri üzərində qurulub. Gənc müğənni yaxın günlərdə yeni və fərqli fotosessiya etdirməyi də planlaşdırır.

 

Səma Ələsgərova

 

Muz-Tv.az