Bakıda gənc şairələrin Beynəlxalq Forumu reallaşdı

“Böyük İpək Yolu" Beynəlxalq Gənclər İttifaqının təşkilatçılığı ilə Bakıda "Gənc şairlərin beynəlxalq Forumu" öz işinə başlayıb. 

      “Böyük İpək Yolu" Beynəlxalq Gənclər İttifaqının təşkilatçılığı ilə Bakıda "Gənc şairlərin beynəlxalq Forumu" öz işinə başlayıb. Beynəlxalq Muğam Mərkəzində keçirilən tədbirə dünyanın 20-dən çox ölkəsinin gənc şairələri qatılıb.

     “Böyük İpək Yolu” Beynəlxalq Gənclər İttifaqının sədri, deputat Fuad Muradov  forumun dünya üzrə ilk dəfə Azərbaycanda reallaşdığından duyduğu məmnuniyyəti dilə gətirib.

Tədbirdən öncə müsahibə verən forumun macarıstanlı iştirakçısı Sandra Viola ölkəmizi çox bəyəndiyini söyləyib.

     Beləliklə, tədbir milli rəqs nömrəsinin nümayişi ilə başlayıb. Daha sonra səhnəyə təşrif buyuran əməkdar artist Mehriban Zəki kiçik bir səhnəcik təqdim edib. Mərasimdə ölkənin ziyalıları və incəsənət xadimləri bir-birinin ardınca çıxış edərək ürək sözlərini bölüşüblər. Gənclər və idman nazirinin müavini İntiqam Babayev iştirakçıların gələcəkdə də bu əməkdaşlığı davam etdirəcəklərinə ümid bəslədiyini söyləyib.

      Mərasimin sonunda forumda iştirak edək iyirmi ölkənin təmsilçiləri səhnəyə buyuraraq öz əsərlərini oxuyublar. Qeyd edək ki, forumda tarixi “ipək yolu” üzərində yerləşən ölkələrin gənc şairlərinin ədəbi şəbəkəsinin yaradılması da müzakirə olunub.

 

Sahilə Aslanova

Ramal Gülməmmədov

 

Muz-Tv.az