İctimai televiziya 12 yaşında

Bu gün İctimai Televiziya və Radio Yayımları Şirkətinin 12 yaşı tamam olur.

Muztv.az xəbər verir ki, İctimai Tv Azərbaycanın informasiya-əyləncə telekanallarından biridir.

Verilişləri bütün ölkə ərazisində 24 saat azərbaycan dilində yayımlanır.

Mənzil-qərargahı Bakı şəhərindədir, Avropa Yayım İttifaqının üzvüdür.

İctimai Televiziya və Radio Yayımları Şirkəti "İctimai televiziya və radio yayımı haqqında" Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 5 noyabr 2004-cü il tarixli Fərmanına əsasən yaradılmışdır. Həmin Fərmana əsasən Azərbaycan dövlət televiziyasının 2-ci kanalı və Azərbaycan dövlət radiosunun 1-ci kanalı bütün əmlakı və avadanlığı ilə birlikdə İctimai Televiziya və Radio Yayımının Yayım Şurasına İctimai Televiziya və Radio Yayımları Şirkətinin yaradılması üçün verilmişdir. İctimai Televiziya və Radio Yayımları Şirkətinin fəaliyyəti "İctimai Televiziya və Radio yayımı haqqında" Azərbaycan Respublikasının Qanunu ilə tənzimlənir.

2013-cü ildən etibarən telekanala Cəmil Quliyev rəhbərlik edir.