Beyonsdan qeyri-adi qadağa

Dünyaca məşhur “Victoria`s secret” firması ilə üç illik müqaviləsini bitirən avstraliyalı model Miranda Kerrin podiumlara vida edəcəyi iddia edilir.

   Dünyaca məşhur “Victoria`s secret” firması ilə üç illik müqaviləsini bitirən avstraliyalı model Miranda Kerrin podiumlara vida edəcəyi iddia edilir. Siması olduğu digər bir brendlə də əməkdaşlığına son qoyan 30 yaşlı ulduzun yaxın dostları: “Bundan sonra ailəsi və başqa layihələrlə məşğul olacaq. Ən azından bir müddət podiumlardan uzaq qalacaq” –deyib. Xatırladaq ki, aktyor Orlando Blumla evil olan Kerrin iki yaşlı oğlu var.

   Daydo “End of Night” mahnısına çəkilən yeni klipini təqdim edib. Trek britaniyalı ulduzun “Girl Who Got Away”  adlı  son albomuna daxil edilən ikinci kompozisiyadır. Video çarxda hadisələr rəqqaslarla dolu böyük bir evdə cərəyan edir. Müğənninin heyranları klipi çox bəyənərək onu orijinal adlandırıblar. Xatırladaq ki, ulduzun “Girl Who Got Away” musiqi toplusu son beş ildə təqdim etdiyi ilk işidir.

   Amerikalı müğənni Beyons konsertlərindən çəkilən fotoların keyfiyyətindən narazı qalaraq radikal addım atıb. 31 yaşlı ulduzun qərarına görə, onun konsertlərində şəxsi fotoqrafından savayı heç kim, o cümlədən kütləvi informasiya vasitələrinin fotoşəkillər çəkməyə hüququ yoxdur. Qadağa müğənninin "Mrs.Carter" adlı dünya konsert turnesinə şamil edilib. Ekspertlərin fikrincə, Beyonsun bu qərarı onun durumunu pisləşdirə bilər. Reportyorlar konsertlərin fotolarını çox baha qiymətə Beyonsdan satın almaq əvəzinə, tamaşaçıların çəkdikləri həvəskar video və foto materiallara üstünlük verəcəklər.

    Britaniyalı müğənni Mika “Popular song” mahnısına çəkilən yeni klipini təqdim edib. Trek ulduzun “The Origin of Love” albomunun çıxış mahnısıdır. İfaçı sözügedən kompozisiyanı müğənni və aktrisa Ariana Qrande ilə birgə səsləndirib.  Video çarxın çəkilişləri məktəbdə reallaşıb.  Xatırladaq ki, Mikanın bu albomu karyerası ərzindəki ən uğursuz işi hesab olunur.

 

Sahilə Aslanova

 

Muz-Tv.az