Emin Ağalarov Eymi Uaynhauzun xatirəsinə həsr olunan gecədə iştirak edib

Məşhur ifaçı və bəstəkar Emin Ağalarov Londonda təşkil olunan bir xeyriyyə gecəsinə qatılıb. 

    Məşhur ifaçı və bəstəkar Emin Ağalarov Londonda təşkil olunan bir xeyriyyə gecəsinə qatılıb. Ulduz bütün gəlirləri mərhum müğənni Eymi Uaynhauzun dərnəyinə təqdim ediləcək mərasimdə kiçik konsert proqramı ilə çıxış edib. Emin bəy Uaynhauzun yaradıcılığını çox sevdiyini və tədbirdə məmnuniyyətlə yer aldığını bildirib.

    Xalq artisti Nazpəri Dostəliyeva  İlhamə Quliyevanın onu məhkəməyə verməsi ilə bağlı məlumata münasibət bildirərək: “Mənim heç bir şeydən xəbərim yoxdur” –deyib. Müğənninin sözlərinə görə, bu məsələlərlə yalnız vəkilləri məşğul olur. Xatırladaq ki,  xalq artisti İlhamə Quliyeva həmkarı Nazpəri Dostəliyevanı yenidən məhkəməyə verib. Belə ki müğənninin vəkili Şəfiqə Nağıyeva mətbuata açıqlamasında: "İlhamə xanım qarşı tərəfi onun şərəf və ləyaqətini, işgüzar nüfuzunu alçaltmaqda ittiham edir. O, Nazpəridən mənəvi zərərə görə 200 min, maddi ziyan üçün isə 500 min manat təzminat tələb edir" –deyə bildirib.

   Gənc müğənni Elçin Cəfərov özünə yeni avtomobil alıb. Ifaçı maşını üçün 60 min dollar ödəyib. Müğənni bundan əvvəl daha bahalı avtomobil sürdüyünü, amma yeni maşınının ondan qat-qat rahat olduğunu söyləyib.

    Türkiyədə yaşayan müğənni İradə İbrahimovaya həyat yoldaşı motosiklet bağışlayıb.  Sənətçi yeni hədiyyəsi ilə birgə fotolarını sosial şəbəkədə paylaşıb.

 

 

Sahilə Aslanova

 

Muz-Tv.az