Ledi Qaqa musiqi karyerasına son qoydu
Maraqlı geyimləri və qeyri-adi tərzi ilə daim gündəmdə qalan amerikalı ulduz Ledi Qaqa musiqi karyerasına bir daha geri dönməmək şərti ilə son qoyur.
Maraqlı geyimləri və qeyri-adi tərzi ilə daim gündəmdə qalan amerikalı ulduz Ledi Qaqa musiqi karyerasına bir daha geri dönməmək şərti ilə son qoyur. Dünya turneləri və sıx konsert proqramları nəticəsində səhhətində problemlər yaşana ifaçı heyranlarını xeyli narahat etmişdi. Ulduzun yaxın dostlarından biri: “Səhnədə əvvəllər etdiklərini bir daha reallaşdıra bilməməkdən qorxur. Artıq dikdaban ayaqqabı geyinməsi də qadağan edilib. Əvvəlki kimi rəqs edə bilməyəcək. İnsanların etirazı ilə üzləşmədən bu sənətdən uzaqlaşmaq istəyir” –deyə bildirib.
Təxminən iki il əvvəl musiqidən getdiyini elan edən türkiyəli müğənni Teoman Bilfen Filarmoniya orkestrı ilə birgə yenidən konsert verib. Bir qrup tələbəsi ilə eyni səhnəni paylaşan ifaçı çox xoşbəxt olduğunu söyləyib. Həyəcanlı görünən Teomanın heyranları da ona qovuşduqları üçün xeyli seviniblər.
İsveç əsilli müğənni Emeli Sande İngiltərə musiqi reytinq sıralamasında 63 həftə ilk onluqda qalaraq “The Beatles” qrupunun 62 həftəlik rekordunu qırıb. Ifaçının 2012-ci ildə yayımlanan “Our Version Of Events’” albomu uzun müddət ən çox satılan musiqi topluları arasında yer alıb. Emeli Sande bununla “The Beatles” qrupunun 1963-64 – cü illər arası “Please Please me” albomunun 62 həftəlik macərasına son qoymuş oldu.
“Nyu Yorkda Böyük Getsbi” filminin təqdimatı keçirildi. Amerikalı yazıçı Skot Fidceraldın eyniadlı əsəri əsasında lentə alınan ekran əsərinin premyerası “Kann Film Festivalı” çərçivəsində reallaşıb. Baş rollarını Leonardo Di Kaprio, Tobi Makquayer və Keri Malliqanın canlandırdığı filmin musiqilərini isə məşhur repçi Jay Z bəstələyib.
****Müğənni Nikki Minaj filmə çəkilməyə hazırlaşır. Məşhur hip-hop ifaçısı “Başqa qadın” adlı ekran əsərində aktrisa Kameron Diazla birgə rol alacaq. Filmin çəkilişləri yay aylarında Nyu Yorkda reallaşacaq. Ekran əsərinin rejissoru Nik Kassavetisdir.
Sahilə Aslanova
Muz-Tv.az