Meyxanaçılar arasında qalmaqal yaşandı

Meyxana ifaçıları İntiqam və Ehtiram qardaşlarının “Heç bir meyxana deyənə qulaq asmıram. Onları meydanda gözləyirəm” sözləri meyxana ifaçıları arasında qalmaqala səbəb olub.

Muztv.az xəbər verir ki, ifaçılara ilk reaksiya müğənni Namiq Qaraçuxurludan gəlib: “Dueldə qardaşlara uğurlar arzu edirəm. İstəsələr, dostları kimi nəzarət edə bilərəm. Kim güclü, kim zəif dedi”.

Qaraçuxurlunun ismarışına isə Pərviz Bülbülə “Meyxananı boks, güləş etmisiniz. Söz güləşdirmək lazımdır, qol yox. Sağlam rəqabət olsun, xəstə rəqabət olmasın” deyərək cavab verib. Ehtiram qardaşlarına isə “Düz deyirlər meyxana deyən necə qulaq assın. Məndə hamını meydanda gözləyirəm. Evdə, məhlədə gözləmirəm. Mən çox meyxana deyənin rəqibiyəm, bunu bilirəm. Rəqib görmürəm, hədəfim yoxdur, heç kimin üzərində işləmirəm. Mənə qarşı ola bilər olsun, bu, təbii haldır” deyə söyləyib.

Ağamirzə isə Pərviz Bülbüləyə və həmkarlarına məsləhət verərək “Pərviz belə söhbətlər eləmə, böyük kimi deyirəm. Yumşaq-yumşaq meyxananı de, işinlə məşğul ol. Hər birinə məsləhət edirəm ki, mənəm-mənəm etməsinlər. Yuxarı ilə getmək lazım deyil” deyib.