Məşhuların yenilikləri

Müğənni Roza Zərgərli Ümummilli lider Heydər Əliyevin 90 illiyinə həsr olunmuş «Ulu Öndər» mahnısını ifa edib.

    Müğənni Roza Zərgərli Ümummilli lider Heydər Əliyevin 90 illiyinə həsr olunmuş «Ulu Öndər» mahnısını ifa edib. Əsərin musiqisi müğəninin özünə, sözləri isə Sənan Məmmədzadəyə aiddir. Roza Zərgərli ilk dəfə bu mahnını cəbhə xəttində bayram konsertləri zamani ifa edib. Qeyd edək ki, mahnı orkestr və xorun müşayiəti ilə yazılıb. Bu layihədə müğənni ilə yanaşı Sahil Əliyev, Elçin Əhmədov, Sənan Məmmədzadə, Pərviz Əlikramoğıu, Aqşin Abdullayev və Cavid Musayev iştirak edib.

   Bu yaxınlarda İstanbula gedən müğənni Kərim Abbasov yeni mahnısını aranjeman etdirib. O,  hətta özü üçün menecer axtarışına da çıxıb. Facebook səhifəsində bu barədə elan verən ifaçı tələblərini də qeyd edib. “İşini yaxşı bilən, sözə qulaq asan, bir sözümü iki etməyən menecer axtarıram”.

   “Avroviziya -2013” mahnı müsabiqəsində ölkəmizi təmsil edəcək Fərid Məmmədov artıq İsveçdədir. Müğənni yarımfinala hazırlaşmaqla yanaşı şəhər gəzintisinə də çıxıb. Qeyd edək ki, təmsilçimiz mayın 16-da keçiriləcək II yarımfinalda səhnə alacaq. Final isə ayın 18-də reallaşacaq.

    Əməkdar artist Zöhrə Abdullayeva barəsində gəzən şayiələrə aydınlöq gətirib: “Belə bir xəbər yayılıb ki, guya, müğənniliyə gəlməmişdən öncə qatarda bələdçi işləmişəm. Bələdçi işləmək ayıb deyil. Amma bilmirəm ki, bu söz-söhbətlər hardan çıxıb? Birincisi, orta məktəbi bitirən kimi ailə qurmuşam. Özü də elə bir oğlana ki, məni çölə qoymurdu. Həyat yoldaşım dünyasını dəyişəndən sonra universitetə daxil oldum. İstəsəniz, bütün sənədlərimi göstərə bilərəm. İkincisi, atam Şuşada Təhsil Şöbəsində çalışıb, işləməyə ehtiyacım olmayıb.”  Müğənni daha sonra bu şayiələri kimin yaydığını söyləyib:“Bu söz-söhbətləri müğənni Mətanət Əsədova yayıb. Onu məhkəməyə verməyə hazırlaşırdım. Amma o, məndən üzr istədi. Məsələ ilə bağlı münasibət bildirən Mətanət Əsədova Zöhrə Abdullayeva haqqında danışmaq istəmədiyini deyib. 

 

Sevda Məmmədova

 

Muz-Tv.az