Britni Spirsə oxşaması onu zəngin etdi

Məşhur amerikalı müğənni Britni Spirs milyonlar qazanmaqla yanaşı, başqalarına da pul qazandırır. 

    Məşhur amerikalı müğənni Britni Spirs milyonlar qazanmaqla yanaşı, başqalarına da pul qazandırır. Belə ki, Britni Spirsə görə əvvəllər ofisiant olmuş 25 yaşlı Miakela Uiksin həyatı tamamilə dəyişib. Spirsə bənzədiyini anlayan Uinks yerli Granada TV telekanalındakı Stars and Their Doubles yarışmasına qatılıb, amma o, yarışmada uğur qazanmayıb. Bir il sonra prodüserlər ona zəng vuraraq başqa yarışmaya dəvət ediblər. Beləcə, məşhurlaşmağa başlayan Uinks indi şou yaradıb və tanınandan bəri 300 min funt-sterlinq qazanıb.

    Türkiyənin tanınmış aktyorlarından biri  Oktay Kaynarca kanadalı müğənni Castin Biberin İstanbul konsertindən narazı qalıb. Aktyoru qəzəbləndirən məqam Biberin İstanbul hava limanında davranışı və türk fanatların konsertdəki izdihamı olub.\"Biber İstanbulda gömrükdən keçmədi, hamı susdu. Türk gəncliyi isə onun konsertində çox yüngül davrandı. \"Castin\" deyərək bağıran zavallı gəncləri gördüm. Gənclərimiz yüngülləşir\", -deyə  Kaynarca Twitter-dəki profilində yazıb.

    Gecə həyatına olan düşkünlüyü səbəbiylə başını tez-tez bəlaya salan Lindsay Lohan yenə hadisə yaradıb. Polisə yalan söyləməkdə ittiham olunan 26 yaşlı aktrisa reabilitasiya mərkəzinə göndərilmişdi və verilən xəbərə görə artıq ordan qaçıb . Lohana geri dönməsi üçün 12 saat müddət verilib. Aktrisanın bu vaxt ərzində mərkəzə geri dönməzsə polis tərəfindən həbs olunacağı söylənilib. Qısa bir müddət sonra Lohanın, Betty adlı başqa bir reabilitasiya mərkəzində olduğu öyrənilib. O bu reabilitasiya mərkəzində daha əvvəl də qaldığını və ordakı insanları tanıdığı üçün məhz bura müraciət etdiyini söyləyib.

    “Harry Potter” filmi sayəsində məşhurlaşan Emma Watsonun verilişlərin birinə ay ulduzlu boyunbağı ilə qatılması diqqət çəkib. Türkiyəyə olan sevgisinə hər fürsətdə dilə gətirən Watsonun jesti qardaş ölkədəki pərəstişkarlarının gözündən qaçmayıb. Sevənləri twitter vasitəsilə ona xoş hisslərini ifadə ediblər.

 

Sərvər Mehdiyev

 

Muz-Tv.az