Castin Timberleyk yeni albomundan danışdı

Müğənni Devid Boui “The Next Day” adlı mahnısına çəkdirdiyi yeni klipini təqdim edib. Video çarxda Geri Oldman, Marion Kotiyar kimi dünyaşöhrətli ulduzlar rol alıb. 

     Müğənni Devid Boui “The Next Day” adlı mahnısına çəkdirdiyi yeni klipini təqdim edib. Video çarxda Geri Oldman, Marion Kotiyar kimi dünyaşöhrətli ulduzlar rol alıb. Ekran əsərinin rejissoru məşhur klipmeyker Floriya Siqizmondidir. Klipin süjet xəttinin ideyası elə müğənninin özünə məxsusdur.

    Məşhur musiqi mükafatları mərasimlərindən birinə qatılan  müğənni Hadisə gözəlliyi qədər zinət əşyaları ilə də diqqət cəlb edib. “Alternativ sinql” nominasiyasında mükafata layiq görülən ifaçı cəvahiratları üçün: “Bunlar çox bahalı aksesuarlardır. Ona görə mühafizəçilərlə gəzirəm” –deyə zarafat edib. Hadisənin sırğalarının 25 min dollar, qolbağının 15 min dollar, üzüyünün isə 10 min dollar dəyərində olduğu öyrənilib.

    Castin Timberleyk öz  “The 20/20 Experience” adlı albomunun ikinci hissəsini təqdim edəcəyini “İnstagram” sosial şəbəkəsindən açıqlayıb. Musiqi toplusu sentyabrın 30-da Castin sevərlərinin ixtiyarına veriləcək. Xatırladaq ki, albomun “Suit & Tie” və “Mirrors” trekləri təqdimatından bir neçə saat sonra Amerika və digər ölkələrdə hit olub.

     Rok musiqinin güclü səsi Şəbnəm Fərah “Od” adlı yeni albomunu təqdim etməyə hazırlaşır. Musiqi toplusuna daxil edilən 10 mahnıdan 9-nun müəllifi müğənninin özüdür. Şebnem Ferah albomunda sözləri Nazim Hikmətə, musiqisi Cem Karacaya aid olan “Çok yorgunum” kompozisiyasını da səsləndirib.

 

Sahilə Aslanova

 

Muz-Tv.az