“Hürrəm Sultan” Azərbaycana gələcək

Xalq artisti Aygün Kazımova Qəbələyə gedib.Müğənni Ulu Öndər Heydər Əliyevin 90 illik yubileyi münasibətilə keçiriləcək konsert proqramında çıxış edəcək.

    Xalq artisti Aygün Kazımova Qəbələyə gedib.Müğənni Ulu Öndər Heydər Əliyevin 90 illik yubileyi münasibətilə keçiriləcək konsert proqramında çıxış edəcək. Repçi Miri Yusif növbəti konsertinə hazırlaşır. Sənətçi bu dəfə Türkiyədəki sevənlərini ətrafına toplayacaq.  Sentyabr ayında nəzərdə tutulan konsertin böyük bir məkanda keçirilməsi planlaşdırılıb. 

    "Möhtəşəm yüzil” serialının Sultan Süleyman obrazını canlandıran aktyor Halit Ergenç və Hürrəm Sultan kimi tanınan aktrisa Məryəm Üzərli Azərbaycana gələcək. Onlar yaxın vaxt ərzində paytaxtımızda təşkil olunacaq “Qrand Müstəqil Milli-İctimai Mükafatı”nın qala gecəsində fəxri qonaq kimi çıxış edəcəklər. 
     Rusiyada biznes sahəsində fəaliyyət göstərən iş adamları Valeri və Vadim İlişayev qardaşlarının rəhbəri olduqları “V&V Company”nin təsis etdiyi “Qrand Müstəqil Milli-İctimai Mükafatı” Azərbaycanda 16 ildir ki, öz qaliblərini seçir. Təşkil olunan təqdimetmə mərasimində mükafatlar tanınmış ziyalıların, mədəniyyət və incəsənət xadimlərinin, ölkə KİV-lərinin əməkdaşlarının, eləcə də estrada müğənnilərinin il ərzində gördükləri yaradıcı işlərinə verilən qiymət kimi öz sahiblərinə təqdim olunur. Azərbaycan Respublikasının Mədəniyyət və Turizm Nazirliyinin dəstəklədiyi “Qrand” mükafatının builki təqdimat gecəsinin dəqiq tarixi gələn həftə açıqlanacaq. 

     Tanınmış estrada ulduzu Nadir Qafarzadə bu gün Ədliyyə Nazirliyi Penitensiar Xidmətin 4 saylı qadın cəzaçəkmə müəssisəsində məhkum xanımlar üçün konsert verib.

  Günorta saatlarında reallaşan tədbir Qələbə günü və Gül bayramına həsr olunub. Məlumat üçün bildirək ki, məhkum qadınlar üçün oxuyacağını Nadir bu ilin martında cəzaçəkmə müəssisəsində konsert verdiyi zaman söz vermişdi.

 

Sevda Məmmədova

 

Muz-Tv.az