Məşhur müğənniyə çəyirtkə hücum etdi

Məşhur ulduz Meray Kerri “Beautiful” adlı yeni klipi ilə musiqi dünyasına geri döndü. R&B müğənnisi Migellə birgə lentə alınan kompozisiya Merayın 14-cü...

     Məşhur ulduz Meray Kerri “Beautiful” adlı yeni klipi ilə musiqi dünyasına geri döndü. R&B müğənnisi Migellə birgə lentə alınan kompozisiya Merayın 14-cü albomunun çıxış sinqlı olacaq. Ulduz klipdə bəzi rəqs nömrələri də nümayiş etdirib. dVideo çarxın rejissoru Cozef  Kandır. Xatırladaq ki, Meray Kerri daha əvvəl çıxış treki kimi “Triumphant” mahnısını seçsə də, kompozisiyanın reytinqlərdə uğur qazanmaması  bu fikrin reallaşmasına mane olub.

     Pop-rok musiqisinin təmsilçilərindən Pamela “Aç” adlı yeni mahnısı ilə uzun fasilədən sonra heyranlarının hüzuruna gəlib. Söz və musiqisi müğənninin özünə aid olan kompozisiya rəqs, rok və elektronik janrları özündə birləşdirir. Mahnının 16 saatda xromokeydə çəkilən klipinin rejissor kürsüsündə isə Harun İşık yer alıb.

     "The Wagner Group" tərəfindən edilən anketdə, amerikalıların ən güvəndikləri 100 ad arasında ilk dörd sırada Hollivud ulduzları yer alıb. Anket nəticələrinə görə, ən çox güvənilən adlar sıralamasında, aktyor Tom Henks zirvədə yer alıb. Henksdan sonra, aktrisa Sandra Ballok, Denzel Vaşinqton və  Meril Strip qərarlaşıb.  Dünya keçmiş boks çempionlarından Məhəmməd Əli də ən çox güvənilən insanlar siyahısına 41-ci sırada yer alıb.

      Məşhur müğənni Pol Makkartni Braziliyanın Qoyani şəhərində konsert verən zaman çəyirtkə hücumuna məruz qalıb. Çoxlu sayda həşərat səhnə üzərində dövr etməyə başlayıb, onlardan bəziləri isə öz bəstəsini ifa edən sənətçinin üzərinə qonub. Çəyirtkə hücumu ser Polun çıxışına mane olmayıb və şou üç saata yaxın davam edib. “The Beatles” qrupunun keçmiş iştirakçısı çiyninə qonan həşəratlardan biri ilə hətta tanış olmağa da macal tapıb. Müğənni çəyirtkəni Qarold adlandıraraq onu tamaşaçılara təqdim edib.

 

Sahilə Aslanova

 

Muz-Tv.az