Muz TV 1 yaşını qeyd etdi

Mayın 11-də Muz TV internet televiziyasının 1 yaşı təmtəraqlı şəkildə qeyd olunub. Gecədə bir çox məşhur simalar iştirak edib. 

     Mayın 11-də Muz TV internet televiziyasının 1 yaşı təmtəraqlı şəkildə qeyd olunub. Gecədə bir çox məşhur simalar iştirak edib. Tədbiri əməkdar artist Natiq Şirinovun rəhbərlik etdiyi “Natiq ritm qrupu” öz möhtəşəm ifası ilə açıb. Daha sonra Muz TV-nin 1 illik tarixini əks etdirən film nümayiş olunub.  Tədbirin əvvəlində şoumen Murad Dadaşov gələn qonaqları salamlayaraq aparıcılıq missiyasını yerinə yetirməsi üçün aktyor Elnur Kərimovu səhnəyə dəvət edib. Daha sonra millət vəkili Qənirə Paşayeva çıxış edərək Muz TV-nin musiqi tarixində böyük rol oynayacağını deyib. Qonaqlar arasında incəsənət xadimləri, ziyalılar və şou-biznes nümayəndələri də olub. Onlar da öz növbələrində Azərbaycanda Muz TV kanalının mövcudiyyətinin önəmindən danışıblar. Ard-arda sevilən mahnılarını səsləndirən ulduzlar gecəyə xüsusi rəng qatıblar. Muz TV-nin əməkdaşları da öz növbələrində gözəl rəqsləri ilə tədbirə daha da rəng qatıblar. Gecənin sonunda gurultulu alqış sədaları altında  möhtəşəm tort kəsmə mərasimi reallaşıb.

     Qeyd edək ki, bu möhtəşəm gecədə Muz TV kanalının himni də gələn qonaqlara təqdim edilib.

 

 

Çinarə Nurməmmədova

Sahilə Aslanova

 

Muz-Tv.az