Efir məkanında yeni online kanal açıldı

 MuzTv-onlayn və kabel televiziyası artıq ilk uğurlu qədəmlərini atdı!!!

    MuzTv-onlayn və kabel televiziyası artıq ilk uğurlu qədəmlərini atdı!!!
Yenicə fəaliyyətə başlamış muz tv əməkdaşlarının kadiraxrası fəaliyyəti siz tamaşaçılar üçün də maraqlı olar.Öz rəsmi açılışını təntənəli qeyd edən doğma kanalımızı təbrikə gələn qonaqlar arasında ziyalıları,millət vəkillərini,dövlət və incəsənət xadimlərini,nüfuzlu şirkət rəhbərlərini,eləcə də media nümayəndələrini görmək olardı.Məclisin aparıcısı olan şoumen Murad Dadaşov tədbiri açıq elan etdi və öz növbəsində arzu və təbriklərini bizlərə ünvanladı.İlk olaraq söz Mədəniyyət və Turizm nazrinin müavini Ədalət Vəliyeva verildi.Hələ yeni doğulan MuzTv-ni təbrik edən qonaq onun uğurunun bol olmasını arzu etdi.İlk musiqili qonağımız Əməkdar İncəsənət xadimi Faiq Sücəddinov özünəməxsus şəkildə təbriklərə qoşuldu .”Məzəli rəqs”i ilə məclisə daha da maraq qatan əməkdar artist Tahir Eynullayev bu şəkildə bizi təbrik etdi.Davam edən məclisdə şoumen Murad Dadaşov işini əməkdaşlarımız Türkan Heydərova Sona Mehdiyeva,Pərvanə Tahirqızı və Ülviyyə Xəlilbəyliyə həvalə etdi.Məsuliyətli işin öhdəsindən uğurla gələn aparıcılarımız gecə boyu təşrif buyuran qonaqları təqdim etdilər,təbrik aldılar və eyni zamanda musiqiyə yer verdilər. Şou-biznesin simalarından Yaşar Cəlil,İntiqam Kərimov,Zamiq Hüseynov,Roza Zərgərli,Elnarə Xəlilova,Ramal İsrafilov,Ayaz,Xatun və digərləri çıxış etdilər.Musiqi çıxışları ilə yanaşı sevincimizə öz rəqsləri ilə də qatılanlar oldu.Bizdə hər kəsə yeni addımlarını atan doğma kanalımızın açılışına qatıldıqları üçün öz təşəkkürümüzü bildirik.

 

Səbinə Zöhrabqızı
Ramal Gülməmmədov

 

Muz-Tv.az