Bu gün “Eurovision” mahnı müsabiqəsinin ikinci yarımfinalı keçiriləcək

Mayın 16-da İsveçdə keçiriləcək “Eurovision 2013” mahnı müsabiqəsində Azərbaycanı təmsil edən Fərid Məmmədov möhtəşəm səhnə performansı nümayiş etdirəcək. 

    Mayın 16-da İsveçdə keçiriləcək “Eurovision 2013” mahnı müsabiqəsində Azərbaycanı təmsil edən Fərid Məmmədov möhtəşəm səhnə performansı nümayiş etdirəcək. İkinci yarımfinalında səhnəyə çıxacaq təmsilçimizin təqdim edəcəyi "Hold Me" mahnısı üçün tərtib edilmiş səhnə dekorasiyası olduqca maraqlı alınıb. Rəqqasın içində olduğu və eyni zamanda Fərid üçün podium olan şəffaf konstruksiya və qatı tüstü konsentrasiyası kompozisiyanı daha da cəlbedici edib. Məhəbbət rəmzini simvolizə edən rəqqasə səhnəyə gözəl qırmızı paltarda, arxasında insan onurğası formasını xatırladan effektli detalla çıxacaq. Şəffaf konstruksiyanın içində Fəridin ikinci Mən rolunu ifa edən rəqqasın xarici görkəmi və saç düzümü eynilə Fəridin obrazını əks etdirib. Çıxışın konsepsiyasına uyğun düşünüldüyü kimi, bir növ onun kölgəsinə çevrilib. Qeyd edək ki, Fərid Məmmədov  "Malmö Arena"da keçiriləcək ikinci yarımfinalda 4-cü sıra nömrəsi ilə çıxış edəcək.

    Aysel Əlizadənın “Ulduzlar” klipi və mahnısı rekord sayda izlənilib. Sözügedən kompozisiya Türkiyədə məhşur rejissor Teoman tərəfindən çəkilib. Klip Youtube kanalına yaxın həftələrdə yüklənib və bu günə qədər 160 mindən çox izləyicisi olub. “Ulduzlar” mahnısının yükləmə sayı isə 100 mindir. Qeyd edək ki, Aysel Əlizadə növbəti hitinin təqdimatına hazırlaşır.

    Nadir Qafarzadə Moskvada səfərdədir. İfaçının oraya getməsinə səbəb dövlət tədbirində iştirak etməsidir. sənətçi Bakıya konsertdən sonra qayıdacağını söyləyib: “Moskvaya getməmişdən qabaq mən və bir neçə müğənni dostum Rusiyanın Çelyabinsk şəhərində konsert proqramı ilə çıxış etdik. Konsert uğurlu keçdi. Hazırda mayın 21-də  Astaraxanda verəcəyim konsertə hazırlaşıram. Hələ ki, Bakıya qayıtmaq niyyətində deyiləm. İnşallah, konsertdən sonra vətənə qayıdacam”.

 

Sərvər Mehdiyev

 

Muz-Tv.az