Azərbaycan “Avroviziya-2013”-ün finalında

 İsveçin Malmö şəhərində “Avroviziya- 2013” mahnı müsabiqəsinin ikinci yarımfinal mərhələsi baştutub. 

   İsveçin Malmö şəhərində “Avroviziya- 2013” mahnı müsabiqəsinin ikinci yarımfinal mərhələsi baştutub.  Təmsilçimiz Fərid Məmmədov səhnəyə dördüncü olaraq çıxıb və finala vəsiqə qazanıb. Maraqlı anların yaşandığı gecədə daha 9 ölkə finala yüksəlib.Qeyd edək ki, ümumilikdə 26 ölkənin mübarizə aparacağı müsabiqənin finalı mayın 18-də baş tutacaq.

   Xalq artisti Aygün Kazımova İstanbula yola düşüb. Müğənni qardaş ölkədə bir neçə televiziya proqramına qonaq qismində qatılacaq. TRT1 telekanalında canlı yayımda iştirak edəcək Aygün Kazımova studiyada məşqlərə başlayıb.

   Mayın 12-si Nyu-York şəhərinin Millenium teatr konsert zalında ilk dəfə olaraq Azərbaycan müğənnisi Eyyub Yaqubovun konsert proqramı keçirilib.Birləşmiş Ştatlara qastrol səfəri edən müğənni Nyu-York və Virciniya ştatlarında olduqdan sonra may ayının 22-si Bakıya yola düşəcək.Qeyd edək ki,konsert ın təşkilatçısı Nyu-York şəhərində yaşayan iş adamı, əslən Bakılı Zarina Yusupovadır.

   Xalq artisti Nazpəri Dostəliyevanın İsveçrəyə getməsinin səbəbi məlum olub.  Verilən məlumata görə, N.Dostəliyeva mayın 14-də əməliyyat olunub və bir gün sonra narkozdan ayılıb. Ifaçı əməliyyat nəticəsində 8 kiloqram çəkidən azad olub, onun göz qapaqlarında və üzündə estetik əməliyyat aparılıb.Müğənni Rəqsanə də  ötən gün Türkiyənini klinikalarının birində ağır əməliyyat keçirib.Müğənni bir müddət əvvəl plastik əməliyyat keçirəcəyindən danışsa də, bu əməliyyat səhhətində yaranan problemə görə aparılıb. 8 saat davam edən cərrahi müdaxilədən sonra narkozdan gecə saatlarında ayılan sənətçi hələlik özünü yaxşı hiss etmədiyini bildirib.Xatırladaq ki,ifaçı hələ bir həftə yataq rejimində klinikada qalacaq.

   Müğənni Nigar Camal “Ru TV” tərəfindən keçirilən “Rus musiqi mükafatı” uğrunda yarışmada iştirak edir.
Belə ki, Nigarın Dima Bilanla ifa etdiyi “Obnimi menya” adlı birgə ifası “İlin ən yaxşı dueti” nominasiyası siyahısında yer alıb.Qeyd edək ki, müsabiqənin mükafatlandırma mərasimi mayın 25-də Moskvada “Krokus Siti Holl”da baş tutacaq. 

 

Səma Ələsgərova

 

Muz-Tv.az