Dünya şöhrətli müğənni avtomobil qəzasına uğradı

Populyar britaniyalı müğənni Corc Maykl avtomobil qəzasına uğrayıb. 

     Populyar britaniyalı müğənni Corc Maykl avtomobil qəzasına uğrayıb. Ilkin məlumata görə, bir çox hit mahnıların müəllifi çox saylı zədələr alıb və hazırda xəstəxanadadır. Mayklın menecerinin sözlərinə görə, müğənni müalicə alır və həyati təhlükəsi qalmayıb.

    “Avroviziya 2012” mahnı müsabiqəsinin qalibi, isveçli müğənni Lorin yeni “We Got the Power” mahnısını təqdim edib. Kompozisiya mayın 17-də internetdə yayımlanıb. Ifaçı sinqlı mayın 18-də “Avroviziya” müsabiqəsinin finalında səsləndirəcək. Xatırladaq ki, Lorin “Heal” adlı albomunu keçən ilin oktyabrında sevənlərinin ixtiyarına verib.

     Madonna və Qvinet Peltrou daha dost deyillər. Bu barədə qərb mətbuatı “Met Gala” mərasimindən sonra yazıb. Mayın 6-da reallaşan tədbirdə ulduzlar bir-birlərrinə heç salam da verməyiblər. Bir mənbənin məlumatına görə, Madonna gecədə Qvinetdən başqa iştirak edən hər kəslə görüşüb. Həmçinin keçmiş dostların artıq bir neçə ildir münasibətdə olmadığı bilidirilir.

     90-cı illərin unudulmaz müğənnisi Burak Kut uzun müddət fasilədən sonra yenidən musiqi fəaliyyətinə start verib. Məşhur ifaçı yay aylarına gözəl bir albom hazırladıqlarını söyləyib. Heyranlarının zövqünü oxşamaq üçün ən yaxşı mahnılarını seçdiyini vurğulayan Burak buna görə musiqi toplusunun bir az gecikə biləcəyini də sözlərinə əlavə edib.

 

Sahilə Aslanova

 

Muz-Tv.az