YUĞ Teatrında beynəlxalq layihə təqdim olundu

Mayın 18-də Polşa Respublikasının Azərbaycandakı Səfirliyi, Azərbaycan Respublikası Mədəniyyət və Turizm Nazirliyi, YUĞ Teatrı, AR Production, A.Mitskeviç ...

    Mayın 18-də Polşa Respublikasının Azərbaycandakı Səfirliyi, Azərbaycan Respublikası Mədəniyyət və Turizm Nazirliyi, YUĞ Teatrı, AR Production, A.Mitskeviç İnstitutu və prodüser Səbuhi Məmmədovun təşəbbüsü ilə həyata keçirilən beynəlxalq müştərək layihə çərçivəsində “Sərhəddə” tamaşası təqdim edilib.

    Təqdimatdan əvvəl müxbirlərin suallarını cavablandıran tamaşanın polşalı rejissoru Tomaş Leşçinski niyə məhz YUĞ Teatrını seçdikləri barədə məlumat verib.

Layihənin hər iki tərəfdən də maliyyələşdirildiyini söyləyən prodüser Səbuhi Məmmədov ideyanı Polşa səfirliyinə özü təqdim etdiyini vurğulayıb.

    Tamaşanın baş rol ifaçılarından biri, əməkdar artist Sonaxanım Mikayılova canlandırdığı obraz barədə danışıb. Bir çox qonağın izləməyə gəldiyi tamaşadan əvvəl aktyorlar son dəfə məşq ediblər.

    Qeyd edək ki, tamaşanın rəsmi premyerası mayın 20-si və 21-də reallaşacaq.

 

Sahilə Aslanova

Vüsal Həşimov

 

Muz-Tv.az