Xalq artistlərindən xəbər var

Xalq artisti Brilliant Dadaşova mayın 29-da baş tutacaq solo konsertinin hazırlıqlarına başlayıb.Məşq zamanı çəkdirdiyi fotoları sosial şəbəkədə paylaşan müğənni pərəstişkarlarına

     Xalq artisti Brilliant Dadaşova mayın 29-da baş tutacaq solo konsertinin hazırlıqlarına başlayıb.Məşq zamanı çəkdirdiyi fotoları sosial şəbəkədə paylaşan müğənni pərəstişkarlarına sürprizlər hazırlayıb.Ən sevilən mahnılarını yeni aranjimanda hazırlayan xalq artistinin “Facebook” dostlarına da hədiyyəsi olacaq. Belə ki, sənətçi konsertə gəlmək üçün imkanı olmayan, bilet tapmayan dostlarına dəvətnamələr göndərəcək.

B.Dadaşova konsert günü “Düşmənlərim çatlasın” mahnısını məhz sosial şəbəkədə onu izləyənlər üçün ifa edəcəyini bildirib.

    Xalq artisti Aygün Kazımova və müğənni-bəstəkar Ramaldan yenilik var. Sənətçilər birgə duet oxuyublar. “Gecə-gündüz” adlanan mahnının bəstəsi Ramala məxsusdur. Qeyd edək ki, Aygün Kazımova Ramal İsrafilovun yazdığı mahnılardan ibarət albom çıxaracaq.

    Müğənni Roza Zərgərli Beynəlxalq Türkdilli xalqların musiqi festivalında münsif kürsüsünə dəvət alıb.O, Beynəlxalq Türksoy təşkilatı və Silifkə şəhərinin dəstəyi ilə təşkil olunan “Silifkədə mədəniyyət həftəsi” çərçivəsində Türkdilli Dövlətlərin Üçüncü Beynəlxalq etno-musiqi festivalında münsif heyətində iştirak edəcək.Festivala Azərbaycan, Qazaxıstan, Qırğızıstan, Özbəkistan, Krım və digər türkdilli ölkələrin nümayəndələri qatılacaqlar.

     “Avroviziya- 2013" mahnı müsabiqəsində ölkəmizə ikincilik gətirən Fərid Məmmədov səsi ilə yanaşı görünüşüylə də çoxlarının rəğbətini qazanıb. Rusiyanın məşhur aparıcısı Anfisa Çexova təmsilçimizə heyran olub.O, Fərid haqda “Tvitter”dəki profilində bunları yazıb:“Azərbaycan ifaçısı necə də cazibədardır. Çıxışını da çox bəyəndim. Gecədə xoşuma gələn ən yaxşı mahnı idi. Bircə rəqs edən qız yerində deyildi. O, kölgə kimi görünsəydi, daha yaxşı olardı”.

 

Sərvər Mehdiyev

 

Muz-Tv.az