Əcnəbi şou-biznesdə baş verənlər

Dünyanın ən məşhur supermodellərindən biri Miranda Kerr yeni fotosessiya etdirib.

   Dünyanın ən məşhur supermodellərindən biri Miranda Kerr yeni fotosessiya etdirib. Çəkiliş ABŞ-ın Florida ştatındakı Mayami çimərliyində aparılıb. 30 yaşlı modelin ediyinə görə, Victoria's Secret-i tərk edəndən sonra yeni layihələrdə çalışmağa başlayıb. Miranda fotosessiyasından olan bəzi şəkilləri İnstagram fotoservisindəki profilində yayıb.

   Hülya Avşar 66-cı Kann kino festivalında iştirak edib Tədbirə qatılan Avşar təxminən 6 milyon manat dəyərində zümrüd və brilliant daş-qaşlı boyunbağı taxıb. Aktrisa festivala ciddi şəkildə hazırlaşıb. O, bunun üçün Türkiyədən saç və makiyaj ustası, köməkçi, modelyer və mühafizəçilərdən ibarət 15 nəfərlik heyətlə Almaniyaya uçub.

   Son vaxtlar adı tez-tez qalmaqallarda hallanan kanadalı müğənni, 19 yaşlı Castin Biber qarət olunub.Biber Cənubi Afrika Respublikasındakı Yohannesburq şəhərinin FNB stadionunda konsert verərkən oğrular bilet kassasından 330 min dollar götürüblər. Polisdən verilən məlumata görə, əməliyyata günlərlə hazırlıq görən oğrular yuxarı mərtəbədən aşağıya yer qazaraq, oradan pulların saxlanıldığı otağa düşüblər və 330 min dolları götürüb aradan çıxıblar.

   Dünyanın ən məşhur qlamur ulduzu 32 yaşlı Paris Hilton son vaxtlar medianın diqqətindən uzaq qalmasının səbəbini açıqlayıb. Hilton otellər şəbəkəsinin varisi Paris deyib: "Hamının qarşısında əli bıçaqlı, gözü qızmış bir adamı görəndə məşhurların eybəcərliyindən, tanınmışların sirkindən ayrılmaq vaxtının çatdığını anladım. İndi özümə otel şəbəkəsi yaradıram"

    Məşhur amerikalı müğənni Mayli Sayrusun dediyinə görə, onu sosial şəbəkələrdə ölümlə hədələyirlər.Uşaq yaşlarında Disney telekanalında tanınan və sonradan müğənni olan Mayli Sayrus Twitter profilində Teylor Svift və Selena Qomezin fanatlarının hücumlarına məruz qaldığını deyib."Onlar məni ölümlə hədələyirlər. Hər gün profilimdə Svift və Qomezin fanatlarının təhqirləri, hədələri ilə qarşılaşıram. Əminəm ki, bu insanlar psixopat kimi davranmaq əvəzinə pərəstişkarları olduqları müğənnilərin sənətini dəstəkləsələr, daha yaxşı olar",- Sayrus deyib. Müğənni onu da vurğulayıb ki, Selena Qomez və Teylor Sviftlə münasibəti yaxşıdır.

 

Sərvər Mehdiyev

 

Muz-Tv.az