Daha bir xarici müğənni şəhərimizin qonağı olacaq

Vətənə qayıdan “Avroviziya” təmsilçimiz Fərid Məmmədov rəsmi “Facebook” səhifəsi vasitəsilə ona dəstək olan hər kəsə təşəkkür edib. Gənc ifaçı statusunda bunları yazıb...

      Vətənə qayıdan “Avroviziya” təmsilçimiz Fərid Məmmədov rəsmi “Facebook” səhifəsi vasitəsilə ona dəstək olan hər kəsə təşəkkür edib.Gənc ifaçı statusunda bunları yazıb:“Bütün mənimlə işləyən, dəstək olan və mənə səs verən insanlara səmimi qəlbdən minnətdaram. Siz olmasaydınız, mənim çıxışım belə uğurlu alınmazdı. Xoşbəxtəm ki, siz varsınız”.

     Müğənni Xumar Qədimova yeni mahnısını təqdim edib. O, “Dilbərim” adlı retro mahnını yeni üslubda və aranjimanda səsləndirib. Hazırda radiolarda səslənən mahnı dinləyicilər tərəfindən bəyənilib. Qeyd edək ki, Xumar Qədimova bu günə kimi “Qəmərim”, “Gəl inad etmə”, “Boran olar, qar olar” kimi retro mahnıları yeni aranjimanda təqdim edib.

    Uzun zamandır efirlərdən kənar düşən və ailə qurduqdan sonra səhnədən uzaqlaşan Xatirə İslam yenidən yaradıcılıq işlərinə başlayıb. Müğənni yeni mahnılar üzərində çalışır. Xatirə hətta həmkarı Tunarla birgə duet oxumağı da fikirləşir. Lakin sənətçilərin dueti hələ ki, təxirə düşüb. Buna səbəb Tunarın işlərinin çox olmasıdır.

    Dağıstanlı müğənni Eldar Dalqatov yenidən şəhərimizin qonağı olacaq.O, iyunun 7-də sevənlərinin qarşısına çıxacaq. Qeyd edək ki, bu, dağıstanlı müğənninin şəhərimizə ilk gəlişi deyil. O, ilk səfərində müğənni Sevinc Ağaşirinova ilə konsert vermişdi.

 

Sərvər Mehdiyev

 

Muz-Tv.az