"Retro Bakı" layihəsi sona çatdı
Bu gün yay ərzində davam edən "Retro Bakı" layihəsinin bağlanış konserti reallaşıb.
Muztv.az xəbər verir ki, Fəvvarələr Meydanında baş tutan konsert proqramında estradamızın bir çox ulduzları səhnə çıxışları ilə yadda qalıb.
Muztv.az-a danışan müğənni Leyla Ramazanlı xoş təəssüratlarını bölüşüb:
"Çox gözəl bir konsert reallaşdı. Yay ayları ərzində bu konsertlər yüksək səviyyədə keçirildi. Bilirəm ki, insanların da xoşuna gələcək. Bu gün mən də çıxış etdim, xoş oldu mənə."
Müğənni Nadir Qafarzadə "Retro Bakı"nın keçirilməsinin təqdirə layiq bir hal kimi qiymətləndirdi:
"Qış aylarında fərqli tədbirlər olur, biz belə tədbirləri əvvəllər başqa ölkələrdə görürdük. Belə milli ruhda tədbirləri Almaniyada, Riqada, İspaniyada olanda görmüşdüm. Bakıda olmurdu. Bu yay ərzində təşkil olunan "Retro Bakı" bizi uşaqlıq illərimizə apardı, təşkilatçılar sağ olsunlar. Buraya axın edən turistlər də bizim adət-ənənələrimiz, tariximiz və musiqimizlə tanış olurlar. Bu sadəcə təqdirə layiq haldır".
Əməkdar artist, müğənni Elza Seyidcahan da belə tədbirlərin keçirilməsini alqışlayıb:
"Çox gözəl bir adət-ənənədir. Dahilərimizi, musiqiçilərimizi xatırladıq. Biz də çalışırıq ki, mədəniyyətimizi, irsimizi qoruyub saxlayaq".
Sevilən müğənni Eyyub Yaqubov bu cür konsertlərin gənclərin tərbiyəsinə, düşüncəsinə müsbət təsir etdiyini söylədi:
"Bu tədbirin keçirilməsi sevindirici haldır, gecə vaxtı şəhərin mərkəzinə bu qədər insanı toplaya bilib. İnsanlarda xoş əhval-ruhiyyə yarada bilib. Gözəl ifalar, musiqilər səslənir, gəncləri doğru istiqamətə yönləndirir. Arzu edirəm ki, gələcəkdə, caz, simfanik musiqilər də olsun".
Muztv.az xəbər verir ki, Fəvvarələr Meydanında baş tutan konsert proqramında estradamızın bir çox ulduzları səhnə çıxışları ilə yadda qalıb.
Muztv.az-a danışan müğənni Leyla Ramazanlı xoş təəssüratlarını bölüşüb:
"Çox gözəl bir konsert reallaşdı. Yay ayları ərzində bu konsertlər yüksək səviyyədə keçirildi. Bilirəm ki, insanların da xoşuna gələcək. Bu gün mən də çıxış etdim, xoş oldu mənə."
Müğənni Nadir Qafarzadə "Retro Bakı"nın keçirilməsinin təqdirə layiq bir hal kimi qiymətləndirdi:
"Qış aylarında fərqli tədbirlər olur, biz belə tədbirləri əvvəllər başqa ölkələrdə görürdük. Belə milli ruhda tədbirləri Almaniyada, Riqada, İspaniyada olanda görmüşdüm. Bakıda olmurdu. Bu yay ərzində təşkil olunan "Retro Bakı" bizi uşaqlıq illərimizə apardı, təşkilatçılar sağ olsunlar. Buraya axın edən turistlər də bizim adət-ənənələrimiz, tariximiz və musiqimizlə tanış olurlar. Bu sadəcə təqdirə layiq haldır".
Əməkdar artist, müğənni Elza Seyidcahan da belə tədbirlərin keçirilməsini alqışlayıb:
"Çox gözəl bir adət-ənənədir. Dahilərimizi, musiqiçilərimizi xatırladıq. Biz də çalışırıq ki, mədəniyyətimizi, irsimizi qoruyub saxlayaq".
Sevilən müğənni Eyyub Yaqubov bu cür konsertlərin gənclərin tərbiyəsinə, düşüncəsinə müsbət təsir etdiyini söylədi:
"Bu tədbirin keçirilməsi sevindirici haldır, gecə vaxtı şəhərin mərkəzinə bu qədər insanı toplaya bilib. İnsanlarda xoş əhval-ruhiyyə yarada bilib. Gözəl ifalar, musiqilər səslənir, gəncləri doğru istiqamətə yönləndirir. Arzu edirəm ki, gələcəkdə, caz, simfanik musiqilər də olsun".