Azəri qızı Günelin toyu gecikir

Türkiyədə Azəri qızı Günel kimi məşhur olan Günel Zeynalovanın toyu bir il də gecikə bilər. 

    Türkiyədə Azəri qızı Günel kimi məşhur olan Günel Zeynalovanın toyu bir il də gecikə bilər. 3 ildir nişanlı olan müğənninin Facebook səhifəsində yazılan statusda xeyir işin daha bir il uzadılacağından xəbər verilir. Qeyd edək ki, Günelin nişanlısı Türkiyə vətəndaşı 26 yaşlı İnanc Başəyməz adlı iş adamıdır. O, Günellə Türkiyədə orta məktəbdə bir yerdə oxuyub. Cütlük 2011-ci ilin iyun ayından nişanlıdır.

    AiD ləqəbli repçi Orxan Zeynallı youtube saytında “Mənim şəhərim” adlı mahnısına çəkilən yeni klipini təqdim edib. Video çarxın rejissoru Fuad İsmayılovdur. Qeyd edək ki, repçi yaxınlarda daha bir klipini  təqdim etməyə hazırlaşır. Bu dəfə AiD adı açıqlanmayan Hollivud ulduzu ilə işbirliyi quracaq. Xatırladaq ki, repçinin iyunun 9-da Cazz Mərkəzində akustik konserti reallaşacaq.

    Bakı sakinləri daha bir maraqlı aksiyanın şahidi olub. Belə ki, mayın 19-da bir qrup gənc rəqqas əlil idmançılarla birgə məşhur hit mahnılar altında rəqs ediblər. Flaşmob tamaşaçılar arasında alqışlarla qarşılanıb. Layihədə Belorusiya, İzrail, Polşadan gələn idmançılar iştirak edir. Sözügedən flaşmob Azərbaycan Paraliompiya komitəsinin dəstəyi ilə reallaşıb.

    Müğənni Natavan Həbibi onu şou-biznesdən silmək istəyən müğənnilərdən danışıb.İfaçı açıqlamasında həmkarlarına ismarıc göndərib: “Səhnəyə gəldiyim ilk gündən İlhamə Quliyeva, Zülfiyyə Xanbabayeva, Faiq Ağayev və Nisə Qasımova kimi xalq artistləri mənə dəstək olub. Qalanları isə həmişə yoluma daş qoymağa çalışıblar. Hələ də mənə mane olmaq istəyənlər çoxdur, amma alınmır”.

 

Sahilə Aslanova

 

Muz-Tv.az