Rəqqasə Oksananın qolu qırıldı

Bakı Şəhər Mədəniyyət və Turizm İdarəsinin təşkilatçılığı ilə ötən həftə Rusiyanın Çelyabinsk, ardınca Astraxan şəhərlərində təşkil olunan konsertlərdə çıxış edən tanınmış...

    Bakı Şəhər Mədəniyyət və Turizm İdarəsinin təşkilatçılığı ilə ötən həftə Rusiyanın Çelyabinsk, ardınca Astraxan şəhərlərində təşkil olunan konsertlərdə çıxış edən tanınmış estrada müğənnisi Nadir Qafarzadəartıq Bakıdadır. Səfər təəssüratlarını bölüşən müğənni məmnunluğunu belə ifadə edib: “Böyük tərkibli heyətlə konsertlərdə iştirak etdik. Astraxan qubernatorluğunun dəvəti ilə sentyabrda yenidən tədbirim təşkil olunacaq. Xüsusi olaraq vurğulamaq istəyirəm ki, xaricdə yaşayan soydaşlarımız yaradıcılığıma diqqətlə yanaşırlar və bu da məni onların qarşısında sevə-sevə çıxış etməyə həvəsləndirir”.
   Əməkdar artist Tünzalə Ağayeva Ukraynanın Odessa şəhərinə yollanıb. Müğənni orada keçirilən Azərbaycan Gənclər Birliyinin üçüncü forumunda çıxış edib.

   Müğənni Röya Ayxan Milli Olimpiya Komitəsi tərəfindən mükafatlandırılıb. Ifaçı Milli Olimpiya səfiri seçilib. Komitənin rəhbərliyinə minnətdarlığını bildirən sənətçi bu sözləri deyib: “İdmanı həmişə sevmişəm. Amma bundan sonra bu missiyamdan istifadə edərək idmanı daha fəal təbliğ etməliyəm. Bu işdə gücümü əsirgəməyəcəm. Çünki inanıram ki, uşaqların idmanla məşğul olaraq sağlam həyat seçməsində valideynlərin rolu olmalıdır”.

    Rəqqasə Oksana Rəsulova Hindistanda özünə karyera qurmağa başladığı ərəfədə başına pis hadisə gəlib. Belə ki, pilləkəndən enərkən yıxılan Oksana xanım bərk əzilib. Dərhal xəstəxanaya çatdırılan rəqqasə haqqında həkimlər yaxşı diaqnoz qoymayıb. Məlum olub ki, Oksananın həm də qolu sınıb. Qoluna gips qoyulan rəqqasə ağrıkəsicilər qəbul edəndən sonra gecə saatlarında evə gətirilib.

 

Sahilə Aslanova

 

Muz-Tv.az