Eminem Facebook-u məhkəməyə verir

Britaniyalı repçi Eminem Facebook-u məhkəməyə vermək qərarına gəlib. Buna səbəb sosial şəbəkənin ifaçının mahnılarından bəzi parçaları öz reklamlarında istifadə etməsi olub. 

    Britaniyalı repçi Eminem Facebook-u məhkəməyə vermək qərarına gəlib. Buna səbəb sosial şəbəkənin ifaçının mahnılarından bəzi parçaları öz reklamlarında istifadə etməsi olub. 30 saniyəlik promo-çarxda repçinin “Under the Influence” kompozisiyası səslənir. Reklam Facebook-un təqdimatlarından biri zamanı nümayiş edilib.

    Amerikalı “Maroon 5” qrupu yeni klipini təqdim edib. “Love somebody” adlı mahnıya çəkilən video çarx kollektivin yaradıcılığında sayca 25-cidir.  Ekran işinin rejissoru Riç Lidir. Klipdə qrupun solisti Adam Levaynla birlikdə məşhur model Emili Rayatkovski iştirak edib.

    “Esquire” jurnalına müsahibə verən amerikalı aktyor Bred Pitt həyatıyla bağlı maraqlı etiraflar edib. Cennifer Enistonla evliykən həyatını boş yerə xərclədiyini söyləyən Bred: “Çox bədbəxt idim. Uzun müddət özümə zərər verəcək işlərlə məşğul oldum. Amma indi yetkinləşmişəm. Həyata daha fərqli nöqtədən baxıram” –deyib. Ancelina Coli ilə 6 övladı olan Pitt həyatının ən xoşbəxt dövrünü yaşadığını bildirib.

    Canet Cekson milyarderlər siyahısına daxil edilib. Bu titula ulduz uğurlu karyerasına görə layiq görülüb. Milyardlıq sərvətinin yarısını konsert turnelərindən əldə edən Canet 260 milyon dolları musiqi albomlarının satışından , 304 milyonunu isə film çəkilişlərindən qazanıb. Qeyd edək ki, Hollivudun ən varlı insanları arasında Corc Lukas və Stiven Spilberq də var.

 

Sahilə Aslanova

 

Muz-Tv.az