Beren Saat 1 milyondan imtina etdi

Türk şou-biznesinin məşhur simaları Hande Yener ilə Sinan Akçıl 5 il birlikdə çalışandan sonra bu yaxınlarda yollarını ayırıblar. 

    Türk şou-biznesinin məşhur simaları Hande Yener ilə Sinan Akçıl 5 il birlikdə çalışandan sonra bu yaxınlarda yollarını ayırıblar. Iddialara görə, Hande Yener tərəfdaşı Sinan Akçıldan böyük məbləğdə borc pul alıb, sonra da qaytarmayıb. Sinan Akçıl da qəzəblənərək əməkdaşlığı dayandırıb. Hande Yener deyilənlərin iftira olduğunu bildirib. Sinan Akçıl isə bu arada pop-müğənni Berksanla əməkdaşlığa başlayıb.

    Amerikalı müğənni Rihanna Merilin Monro stilində parik taxaraq fotolar çəkdirib. 25 yaşlı ifaçı Monronun pərəstişkarı olduğunu bildirib.  Rihannanın İnstagram profilində yaydığı fotoları onun ən yaxın rəfiqəsi Melissa Ford çəkib. Qeyd edək ki, Rihanna hazırda Los-Ancelesdə yeni klip çəkilişlərindədir.

    Türkiyə musiqisinin “İmperatoru” İbrahim Tatlıses səhhəti haqqında məlumat verib. O, şəxsi twitter səhifəsində hazırda heç bir problemi olmadığını qeyd edib: “Çox  sağ olun ki, mənim səhhətimlə maraqlanırsınız. Nəzərinizə çatdırım ki, silahlı hücumdan sonra 3 ay yataq şəraitində istirahət etdim. Ona görə, bütün əzələlərim zəifləyib. İndi isə gəzirəm, yemək yeyirəm. Allaha şükürlər olsun ki, hər şey qaydasına düşüb”. Xatırladaq ki, məhşur müğənni İbrahim Tatlıses 2011-ci ildə “İbo Show” verilişindən çıxarkən silahlı hücuma məruz qalmışdı.

    “Aşk-ı Memnu” və “Fatmagülün Suçu Nə?” serialları ilə Azərbaycan tamaşaçısına da yaxşı tanış olan aktrisa Beren Saat rekord məbləğdə puldan imtina edib. Ərəb inşaat firmalarından biri Beren Saata reklamda rol almaq təklifi edib. Aktrisaya video çarx müqabilində düz 1 milyon dollar təklif edilib. Amma Beren meneceri ilə xəbər göndərərək təklifdən imtina edib. Aktrisanın rədd cavabından təəccüblənən şirkət eyni təklifi onun ən böyük rəqibi hesab edilən Tuba Büyüküstünə edib.

 

Sahilə Aslanova

 

Muz-Tv.az