Kann festivalında qalmaqal yaşandı

Fransanın Kann şəhərində keçirilən beynəlxalq kinofestivalda yeni qalmaqal qopub.

    Fransanın Kann şəhərində keçirilən beynəlxalq kinofestivalda yeni qalmaqal qopub. Belə ki, Cənubi Koreyadan olan və "Gangnam Style" mahnısının müəllifi repçi PSY-ın oxşarı bir çox məşhur aktrisa, prodüser və rejissoru aldadıb. O, iki həftə ərzində festivalı dolaşaraq müxtəlif ulduzlarla fotolar çəkdirib. Amma sonradan bəlli olub ki, həmin şəxs PSY yox, onun oxşarı imiş. Kann festivalında olmayan PSY bundan xəbər tutub. "Görürəm ki, Kannda məni təqlid edən saxtakar var. Ona məndən salam deyin", - Sinqapurda olan PSY Twitter-də yazıb.

    17 yaşlı amerikalı ölümcül xəstə Zak Sobiç “Youtube” saytında populyarlaşıb. Buna səbəb gəncin öləcəyini fikirləşərək yaxınları ilə vida məqsədi ilə mahnı ifa etməsi olub. Oğlan səsləndirdiyi kompozisiyanı “Youtube”-da yerləşdirib. “Clouds” adlanan mahnıda Zak həyatındakı xoşbəxt anlardan bəhs edib.  Trek Amerika çartlarında ilk sıraya yerləşib. Qeyd edək ki, Zak Sobiç mayın 20-də xərçəng xəstəliyindən vəfat edib.

    Tanınmış fransalı aktyor Jerar Depardye Rusiya vətəndaşı olduqdan sonra rus dilini öyrənmək istəyir. Sənətçi bildirib ki, bu addımı atmağı ona yaxınları məsləhət görüblər. Xatırladaq ki, aktyor bu il Rusiya vətəndaşlığını qəbul edib. "Rusiya mənim öz vətənimdir. Mən bu ölkənin vətəndaşı olduğum üçün fəxr edirəm. Yaxın zamanda Rusiya filmlərində çəkiləcəm”, - deyə Jerar Depardye bildirib.

    Türkiyəli müğənni Ajda Pekkan verdiyi konsertlərin birində səhnədə qəfildən huşunu itirib. Ulduz dərhal xəstəxanaya çatdırılıb. Həkimlərin məlumatına görə, qulaqlarında problem yaşayan Ajda Pekkan hazırda müşahidə altında saxlanılır. Xatırladaq ki, meqa star keçən il də ürəyindəki problemlərə görə əməliyyat keçirib.

 

Sahilə Aslanova

 

Muz-Tv.az