Fərid Məmmədov uşaqları belə təbrik etdi

Mayın 25-də Heydər Əliyev Sarayında “Uşaqların Beynəlxalq Müdafiəsi Günü”-nə həsr olunan  konsert reallaşıb. 

    Mayın 25-də Heydər Əliyev Sarayında “Uşaqların Beynəlxalq Müdafiəsi Günü”-nə həsr olunan  konsert reallaşıb. Ilk olaraq aparıcı xanım gələn qonaqları salamlayaraq “Asiman” rəqs qrupunu çıxışlarını təqdim etmək üçün səhnəyə dəvət edib.

    Daha sonra balaca tamaşaçılara maraqlı bir nömrə təqdim edilib. Bir-birindən gözəl rəqslərlə davam edən gecənin ən maraqlı sürprizi isə bu il ölkəmizi “Avroviziya” mahnı müsabiqəsində təmsil edən Fərid Məmmədovun “Hold me” mahnısını ifa etməsi olub.

    Balacaların alqışları ilə qarşılanan Fərid daha sonra “Muz life”-a müsahibə verərək bu tipli gecələrdə iştirak etməkdən qürur duyduğunu söyləyib. Elə ölkəmizə sözügedən müsabiqədə qalibiyyət gətirən gecənin digər qonağı Eldar Qasımov da uşaqlara olan sevgisindən bəhs edib. “Uşaqların Beynəlxalq Müdafiəsi Günü”-nə həsr olunan tədbir “Asiman” rəqs qrupunun daha bir çıxışı ilə başa çatıb.

 

Sahilə Aslanova

Elfaq Lələyev

 

Muz-Tv.az