Devid Bekham indi də kinoya əl atdı

Bu yaxınlarda öz karyerasına son qoyan futbolçu Devid Bekham filmə çəkilmək eşqinə düşüb. Ulduza bu yolda əsas dəstəyi aktyor Tom Kruz verir. 

   Bu yaxınlarda öz karyerasına son qoyan futbolçu Devid Bekham filmə çəkilmək eşqinə düşüb. Ulduza bu yolda əsas dəstəyi aktyor Tom Kruz verir. “Devid həmişə döyüş janrlı filmlərdə rol almaq arzusunda olub. Tom da onun bu istəyinin reallaşmasına kömək edəcəyinə söz verib” –deyə qərb mətbuatı məlumat yayıb. Qeyd edək ki, Tom Kruz hazırda “Çətin tapşırıq” silsilə filmlərinin beşinci hissəsi üzərində çalışır və Bekham da ona hər cür  maddi dəstək verir.

   Baş rollarını Beren Saat, Mərt Fırat, Nejat İşlərin paylaşdığı “İntikam” serialının ilk mövsümünün son çəkilişləri bitib. Bu səbəblə aktyorlar vida gecəsi təşkil ediblər. Tədbirdə xeyli kədərləndiyi görülən Beren Saatı sevgilisi Kənan Doğulu tək buraxmayıb. Daha sonra sevgililər məkanı təkr edərək müxbirlərin suallarını cavabsız qoyublar.

   Cennifer Lopez Amerikada bir mobil rabitə şəbəkəsi açır. Müğənninin sözlərinə görə, bu mobil operatorun əsas auditoriyası Latın Amerikasının vətəndaşları olacaq. Lopez layihədə Verizon Wireless şirkəti ilə əməkdaşlıq edəcək.  Qeyd edək ki, Cenniferin ilk mağazası 15 iyun tarixində Nyu-Yorkda açılacaq. Mağazaların sayının 15 olacağı gözlənilir. Qeyd edək ki, məşhur müğənni bundan əvvəl də böyük biznes-layihələr həyata keçirib. Onun artıq kino, telekompaniya, geyim və parfümeriya sahəsində təcrübəsi var.

    Bu yaxınlarda sinəsində xərçəng olması səbəbi ilə əməliyyat edilən Hollivud ulduzu Ancelina Colinun xalası vəfat edib. Bunun mətbuat aləmi üçün maraqlı xəbərə çevrilməsinin səbəbi aktrisanın xalasının da məhz eyni xəstəlikdən dünyasını dəyişməsidir. Vəfat edən qadının həyat yoldaşı mətbuata bunları deyib: “Əgər o, vaxtında bilsəydi Ancelina kimi tədbir görərdi”. Xatırladaq ki, Anecelina Coli 2 həftə əvvəl xərçəngdən qurtulmaq üçün əməliyyat etdirmək məcburiyyətində qalmışdı.

 

 

Sahilə Aslanova

 

Muz-Tv.az