“Zirvələrə doğru” müsabiqəsinin yekun konserti reallaşdı

Mayın 27-də Heydər Əliyev Sarayında Azərbaycan Demokratik Respublikasının 95 illiyi münasibəti ilə təşkil olunan “Zirvələrə doğru” müsabiqəsinin yekun konserti reallaşıb. 

   Mayın 27-də Heydər Əliyev Sarayında Azərbaycan Demokratik Respublikasının 95 illiyi münasibəti ilə təşkil olunan “Zirvələrə doğru” müsabiqəsinin yekun konserti reallaşıb. Konsertdən əvvəl müsahibə verən müsabiqənin münsif heyəti, əməkdar artist Ağacəbrayıl Abbasəliyev bu tipli yarışmalardan çıxan gənclərin fəaliyyətlərində fasilə verməmələrini arzuladığını söyləyib.

   Əməkdar incəsənət xadimi, bəstəkar Nailə Mirməmmədli isə belə müsabiqələrin qaliblərinə xüsusi dəstəyin verilməsi vacib hesab edir. Nəhayət konsert başlayıb və aparıcılar səhnəyə təşrif buyuraraq tədbirin məqsədindən bəhs ediblər.

   Mərasim Nailə Mirməmmədlinin rəhbərlik etdiyi estrada-simfonik orkestrının çıxışı ilə başlayıb.Daha sonra iştirakçılar bir-bir səhnəyə dəvət olunaraq diplomlarla təltif ediliblər. Qeyd edək ki, müsabiqənin növbəti illərdə də davam etdirilməsi nəzərdə tutulur.

 

Sahilə Aslanova

Ramal Gülməmmədov

 

Muz-Tv.az