Bu gün xalq artisti Habil Əliyevin doğum günüdür

Xalq artisti, kaman ustası Habil Əliyevin doğum günüdür. O, sənətdə göstərdiyi xidmətlərinə görə 29 iyun 1964-cü ildə Əməkdar artist, 11 yanvar 1978-ci ildə isə...

   Xalq artisti, kaman ustası Habil Əliyevin doğum günüdür. O, sənətdə göstərdiyi xidmətlərinə görə 29 iyun 1964-cü ildə Əməkdar artist, 11 yanvar 1978-ci ildə isə Azərbaycan Xalq Artisti fəxri adlarına layiq görülüb. Ustad sənətkar virtuoz ifaçılığı ilə yanaşı gözəl mahnıların da müəllifidir. Onun bəstələdiyi 15-dən artıq mahnı bu gün də tanınmış musiqiçilər tərəfindən sevilə-sevilə ifa olunur. Habil Əliyevin ABŞ, Fransa, Yaponiya, İtaliya və Yunanıstanda Azərbaycan muğamlarından və xalq mahnılarından ibarət kompakt diskləri də buraxılıb.Qeyd edək ki,sənətkar  28 may 1927-ci ildə Ağdaş rayonunun Üçqovaq kəndində anadan olub. 

   Tanınmış müğənni Vasif Məhərrəmli ikinci dəfə ailə həyatı qurub. Müğənni ağsaqqal qohumların məsləhətindən sonra bu addımı atmaq qərarına gəlib. Qazax rayonunda baş tutan toyda Məhərrəmlinin yaxın qohumları və sayılı sənət dostları iştirak edib.Qeyd edək ki, sənətçinin ailə qurduğu 27 yaşlı xanım öz qohumlarındandır.

   Müğənni Natavan Həbibi sənət dostlarına evində qonaqlıq verib. Sənətçi ötənhəftəki ad gününü restoranda qeyd etmək istəməyib və dostlarını evinə yığıb. 

Xalq artisti Faiq Ağayev, müğənni Elnur, Samir Cavadzadə, rəqqasə Oksana kimi sənətçilərin qatıldığı mərasimdən fotoları təqdim edirik.

   Tanınmış model Validə Abbasova “Miss Azərbaycan” gözəllik müsabiqəsinin təşkilat komitəsi tərəfindən müsabiqədən kənarlaşdırılıb. Modelin müsabiqənin təşkilatçılığından çıxarılmasının səbəbi isə yarışma ərəfəsində onun xəbər vermədən ölkəni uzunmüddətlik tərk etməsi və münsiflər heyətinə başçılıq etməli olduğu finalda iştirak etməməsidir.

 

Səma Ələsgərova

 

Muz-Tv.az