Mətanət İsgəndərli: “ Elza Seyidcahan mənə cəmi bir mahnı hədiyyə edib”

Xalq artisti Aygün Kazımovanın ölkədən gedəcəyi xəbəri hamıdan çox onun pərəstişkarlarını təşvişə salıb. 

   Xalq artisti Aygün Kazımovanın ölkədən gedəcəyi xəbəri hamıdan çox onun pərəstişkarlarını təşvişə salıb. Bir qrup sevənləri dünən günorta saatlarında müğənninin yaşadığı binanın qarşısına yığışıb. Əllərində xalq artistinin şəkilləri olan gənclər onun getməməsini, vətəndə qalmasını tələb ediblər. Aygün Kazımova özü görünməsə də, qızı İlqarə hadisə yerinə gəlib.

   Əməkdar artist Mətanət İsgəndərli sənətində yeniliklər edib. Müğənni sözləri Türkiyənin nəğməkar şairəsi Ayşə Birgül Yılmaza, musiqisi isə Elza Seyidcahana məxsus “Gözlərin” adlı mahnıya klip çəkdirib. Ifaçı:“Elza ilə illərdir rəfiqəyik. Amma bu illər ərzində o mənə cəmi bir mahnı hədiyyə edib. Əslində bu mahnı 5 il bundan əvvəl aranjiman olunub, amma studiyada bu yaxınlarda lentə aldıq. Çox gözəl musiqidir. Yaxın günlərdə klipini təqdim edəcəyəm. Məni tanıyanlar bilir ki, hər yay bir hit mahnıya klip çəkdirirəm”-deyə əlavə edib.

   Gənc müğənni Leyla Ramazanlının yeni mahnısının klip çəkilişləri yay fəslinin ilk ayında baş tutacaq. Video çarx musiqisi İsmail Əsədova, sözləri ifaçının dayısı Arzu Əsədova məxsus olan “Göyqurşağı” mahnısına çəkiləcək. Müğənni: “Bu zamana kimi Bakının bütün məkanlarında və rayonlarımızda klip çəkilişləri olub. Klipimin rejissoru bacım Xavərlə məsləhətləşdik ki, ”Göyqurşağı” mahnıma Türkiyədə ekran həyatı verək. Bu klip qardaş ölkədə çəkilən ikinci işimdir"-deyə əlavə edib.

 

Səma Ələsgərova

 

Muz-Tv.az