“Harri Potter” ata olmaq istəyir

Türkiyənin "Star Tv" kanalında böyük maraqla izlənən "Muhteşem Yüzyıl" serialında işlər qarışıb və istehsalçı şirkət "B" planına üz tutub. 

    Türkiyənin "Star Tv" kanalında böyük maraqla izlənən "Muhteşem Yüzyıl" serialında işlər qarışıb və istehsalçı şirkət "B" planına üz tutub. Belə ki, serialdan çıxan Meryem Uzerlinin son üç bölümdə olmayacağı, onun yerinə isə başqa aktrisanın gələcəyi bildirilir. Ssenariyə əsasən Hürrem Sultan oğlu Mehmetlə Amasiyaya yola düşəcək. Bu rolun yeni mövsümü üçün "Adını Feriha koydum" serialının məşhur "anası" Vahidə Gördümlə danışıqlar aparılır.

   23 yaşlı aktyor, “Harri Potter” silsilə filmlərinin ulduzu Deniel Redklif ata olmaq istədiyini söyləyib. Dostlarından çoxunun ailə həyatı qurduğunu və artıq övlad sahibi olduğunu bildirən aktyor tezliklə bu hissi dadmaq arzusundadır. Deniel hələ sevgilisinin olmadığını vurğulasa da, bu əksikliyi də dolduracağına əmindir. Ulduz otuz yaşına qədər ata olacağını söyləyib.

    Məşhur “Qışqırıq” silsilə filmlərinin ulduzları Devid Arket və Kortni Koks boşanıblar. Cütlük 2010-cu ildə ayrıldıqlarını elan etsə də, rəsmi boşanma prosesi yalnız bu il reallaşıb. Bütün bu illər ərzində aktyorlar barışacaqlarına ümid ediblər. Kortni Koks məhkəmədən sonra verdiyi müsahibədə Devidlə dost kimi ayrıldıqlarını və 8 yaşlı qızlarının daim hər iki valideynini görə biləcəyini söyləyib.

    Avstraliyalı pop ulduz Kayli Minoqun 2013-cü ildə çıxaracağı albomunun “Skirt” adlı çıxış mahnısı internetdə yayılıb. 45 yaşını qeyd etməyə hazırlaşan ulduz İnstagram hesabından: “Doğum günümdür və mən hələ də studiyada işləyirəm” –deyərək musiqi toplusunun tezliklə sevənlərinin ixtiyarına veriləcləyini söyləyib.

 

Sahilə Aslanova

 

Muz-Tv.az