Emin Ağalarov yeni klipini təqdim etdi

Mayın 29-da ifaçı və bəstəkar Emin Ağalarovun “Amor” mahnısına çəkilən yeni klipi təqdim edildi. 

    Mayın 29-da ifaçı və bəstəkar Emin Ağalarovun “Amor” mahnısına çəkilən yeni klipi təqdim edildi. Video çarxın çəkilişləri bu ayın əvvəlində Amerikada reallaşıb. “Amor” kompozisiyası ulduzun yeni albomunun çıxış mahnısıdır. Ekran işinin rejissoru və prodüseri Kris Simsdir. Xatırladaq ki, klipdə Emin Ağalarovla birgə “Miss Kainat” gözəli Olivia Kulpa rol alıb.

    Türkiyənin məşhur ulduzları “Qrand - 2012” mükafatının təqdimat gecəsinə qatılacaqlar. Rusiyada biznes sahəsində fəaliyyət göstərən iş adamları Valeri və Vadim İlişayev qardaşlarının rəhbəri olduqları “V&V Company”nin təsis etdiyi “Qrand Müstəqil Milli-İctimai Mükafatı-2012”nin növbəti təqdimetmə mərasimi keçiriləcək.Təşkilat komitəsində təmsil olunan tanınmış prodüser Tarix Əliyev (Tolik) tədbiri təfərrüatları haqqında danışaraq: “Heydər Əliyev Sarayının səhnəsində iyunun 9-da baş tutacaq 16-cı təqdimetmə mərasimində mükafatlar tanınmış ziyalılar, mədəniyyət və incəsənət xadimləri, ölkə KİV-lərinin əməkdaşları, eləcə də estrada müğənnilərinin il ərzində gördükləri yaradıcı işlərinə verilən qiymət kimi öz sahiblərinə təqdim olunacaq. Yenilik ondadır ki, bu dəfə Türkiyənin çox tanınmış ulduzları fəxri qonaq kimi gecəyə təşrif buyuracaqlar. Bu sırada Demet Akalın, Sinan Akçıl, Çağatay Ulusoy, “Muhteşem Yüzyıl” serialında Şahzadə Mehmet obrazını canlandıran Gürbey İlerinin adlarını çəkə bilərəm”.

    Müğənni Şölə Səfərəliyeva “Ola bilməz” adlı mahnısına klip çəkdirib. İfaçının sözlərinə görə, mahnı bu dəfə də R&B janrındadır. “Mahnım “Ola bilməz” adlanır. Musiqisi və sözləri Mr. Babaya aiddir. Klipin mövzusu xanımın sevdiyi tərəfindən qarşılaşdığı və ya qarşılaşa biləcəyi xəyanətdir. Gənc qız buna heç cür inana bilmir. Bu vəziyyətə qız “ola bilməz” deyir”, - deyə müğənni bildirib.

     Yıxılıb qolunu sındıran və bu səbəbdən də Hindistan səfərini təxirə salan rəqqasə Oksana Rəsulova yaradıcılıqla bağlı planlarından əl çəkməyib. Hər şeyin yaxşı olacağına ümid edən Oksana özünəməxsus müsbət emosiyalarını belə dilə gətirib: “Qolum sınmasaydı və mən Hindistana getsəydim, başıma başqa iş gələ bilərdi. Nə olursa, demək, məsləhət belə imiş. Sağlamlığımı bərpa etdikdən sonra reper “Nağd Pul”la birgə çəkdirdiyimiz “Rəqs” adlı klipimizə təqdimat edəcəyik”.

 

Sahilə Aslanova

 

Muz-Tv.az