Brilliant Dadaşovanın konsertindən möhtəşəm görüntülər

Xalq artisti Brilliant Dadaşova 12 illik fasilədən sonra “Apar məni” adlı solo konsertlə sevənlərini bir araya toplayıb.

    Xalq artisti Brilliant Dadaşova 12 illik fasilədən sonra “Apar məni” adlı solo konsertlə sevənlərini bir araya toplayıb.  Gecədə şoumen Murad Dadaşovla, aparıcı Nərgiz Cəlilova səhnəyə çıxaraq gələn qonaqları salamlayıblar. 
   Deyəsən xalq artisti sevənlərini bir az intizarda saxlamaq fikrinə düşüb.Konsertin açılışı səhnədəki böyük ekranda “Vokaliz” mahnısına çəkilmiş klipin nümayişi və canlı rəqslə  başlayıb. Daha sonra səbəbkar özü pərəstişkarlarının qarşısına çıxıb. Brilliant xanım gecədə tamaşaçılar üçün yeni əsərləri ilə yanaşı, retro mahnılar da ifa edib. Xalq artistini dinləməyə gələn şou əhli də sənətçinin ifasından feyziyab  olublar.

    Xanım sənətçi oxumaqla yanaşı, konsertə gələn qonaları ilə canlı ünsiyyət qurmağı da unutmayıb. Sonda Brilliant xanım onu da bildirib ki, musiqini duyan dinləyicilərini yenidən bir araya toplayacaq. 

 

Sərvər Mehdiyev

Vüsal Həşimov

 

Muz-Tv.az