İranlı dirijor Bakıda
Sentyabrın 23 və 24-də Azərbaycan Dövlət Musiqili Teatrının səhnəsində Üzeyir Hacıbəylinin iki əsəri – “Arşın mal alan” və “O olmasın, bu olsun” operettası əsasında səhnələşdirilən tamaşalar təqdim edəcək. Üzeyir Hacıbəyli IX Beynəlxalq Musiqi Festivalı çərçivəsində təqdim ediləcək səhnə əsərlərinin xüsusi özəlliyi var. Belə ki, nümayiş olunacaq hər iki tamaşanı İran İslam Respublikasının tanınmış musiqiçilərindən biri, dirijor Bərdia Kiyarəs idarə edəcək.
Muztv.az xəbər verir ki, bu sözləri Azərtac-a sənət ocağının mətbuat katibi Samir Sədaqətoğlu deyib. “Bir müddətdir Bakıda olan məşhur dirijorun teatrda orkestr və aktyorlarla kollektiv məşqləri keçirilir. Yaradıcı kollektiv bütün gücü ilə məşq prosesində iştirak edir. Tamaşanın nümayişində yerli sakinlərlə yanaşı, şəhərimizin qonağı olan hər kəs iştirak edə bilər”,-deyə S.Sədaqətoğlu söyləyib.
Muztv.az xəbər verir ki, bu sözləri Azərtac-a sənət ocağının mətbuat katibi Samir Sədaqətoğlu deyib. “Bir müddətdir Bakıda olan məşhur dirijorun teatrda orkestr və aktyorlarla kollektiv məşqləri keçirilir. Yaradıcı kollektiv bütün gücü ilə məşq prosesində iştirak edir. Tamaşanın nümayişində yerli sakinlərlə yanaşı, şəhərimizin qonağı olan hər kəs iştirak edə bilər”,-deyə S.Sədaqətoğlu söyləyib.