Dünya şöhrətli ulduzlar Bakıda

Dünya şöhrətli müğənni Lara Fabian Bakıya gəlib. Məlumata görə, ulduz ölkəyə dünən təşrif buyurub. Səfərin məqsədi Azərbaycanda Vətəndaş Aviasiyasının 75 illik yubileyində...

    Dünya şöhrətli müğənni Lara Fabian Bakıya gəlib. Məlumata görə, ulduz ölkəyə dünən təşrif buyurub. Səfərin məqsədi Azərbaycanda Vətəndaş Aviasiyasının 75 illik yubileyində iştirak etməkdir. Bundan əlavə, məşhur bəstəkar və ifaçı İqor Krutoy da paytaxta gəlib. O, da sözügedən tədbirdə konsert proqramı ilə çıxış edəcək.

    Türkiyədə fəaliyyət göstərən Günel Zeynalova mayın 31-də Bakıya qayıdıb. Müğənni elə hava limanında ikən paytaxtda görəcəyi işlərdən danışıb. O, qardaşı Tunar Rəhmanoğlunun yeni layihə üzərində çalışdığını söyləyərək: “Bu yaxınlarda Tunarla bir layihəni gerçəkləşdirəcəyik. Məhz bu səbəbdən buradayam. Sonra Türkiyəyə qayıdacağam. Hazırda yeni mahnılar üzərində işləyirəm. Kompozisiyalar tam hazır olduqdan sonra dinləyicilərin ixtiyarına verəcəyəm” –deyə səfərinin məqsədini açıqlayıb.

    Aşıq Samirə dünən oğlu Munis üçün kiçik toy edib. Sənətçi həm də oğlunun bir yaşını keçirib. Samirənin sənət dostlarını da dəvət etdiyi mərasim şəhərin şadlıq evlərindən birində baş tutub.

    Məşhur repçi AiD Bakı Caz Mərkəzində solo konsertə hazırlaşır. Tədbir iyunun 9-da reallaşacaq. Ifaçı öz mahnılarının akustik versiyalarını təqdim edəcək. “Hisslər danışanda” adlanan konsertin hazırlıqları iki ay davam edib. AiD 5 illik fəaliyyəti ərzində ifa etdiyi əsərlərini yeni aranjemanda səsləndirəcək. O, həmçinin klipini də məhz həmin gecə təqdim edəcək.

 

 

Sahilə Aslanova

 

Muz-Tv.az