İçərişəhərdə “Avropa Şəhərciyi”

Avropa Birliyinin  Azərbaycandakı nümayəndəliyi və “İçərişəhər” Dövlət Tarix-Memarlıq Qoruğu İdarəsinin birgə təşkilatçılığı ilə “Avropa Şəhərciyi” adlı tədbir keçirilib.

   Avropa Birliyinin  Azərbaycandakı nümayəndəliyi və “İçərişəhər” Dövlət Tarix-Memarlıq Qoruğu İdarəsinin birgə təşkilatçılığı ilə “Avropa Şəhərciyi” adlı tədbir keçirilib. Gecənin əsas məqsədi Avropa rəqslərini, musiqisini, xörəklərini, dillərini və bir çox digər fəaliyyət növlərini Azərbaycan ictimaiyyətinə nümayiş etdirməklə yanaşı mədəni həyatının müxtəlifliyini və zənginliyini vurğulamaqdır. Konsertdə iştirak edən italyalı qrup  həm klassik, həm də müasir üslubda ifaları ilə  gələn qonaqlara xoş dəqiqələr yaşadıb. Tədbirdə maraqlı məqamlardan biri yerli sakinlərin əcnəbi dildə oxunun mahnıları müşəyiət etməsi olub. Konsertin sonunda opera ifaçısı Günel Ələkbərova çıxış edib.

   Avropa Birliyinin əməliyyat şöbəsinin rəisi Federiko Berna tədbirdən çox razı qaldığını bildirib. O, ilk dəfə belə bir missiya çıxış etdiklərini və demək olar ki, məqsədlərinə çatdıqlarını söyləyib. Sonda onu da bildirək ki, bu  kimi tədbirlər tez-tez həyata keçiriləcək.

 

Sərvər Mehdiyev

Vüsal Həşimov

 

Muz-Tv.az