Məşhur aktyor ata oldu

Yaraşıqlı Hollivud ulduzlarından biri olan Çenninq Tatum ata olub. Onun qızı dünyaya gəlib. 

    Yaraşıqlı Hollivud ulduzlarından biri olan Çenninq Tatum ata olub. Onun qızı dünyaya gəlib. Xoşbəxt valideynlər sükunətlərini qorusalar da, cütlüyün fanatları artıq balaca körpəyə ad fikirləşməyə başlayıblar. Tatumun həyat yoldaşının qızını hazırda yaşadıqları Londonda dünyaya gətirdiyi bildirilir. Qeyd edək ki, Çenninq Tatum çəkilişləri İngiltərədə reallaşan filmə çəkilir.

    Məşhur müğənni və aktrisa Cennifer Lopez sevgilisi Kasper Smartla dalaşıb. Buna səbəb Kasperin ifaçını xəyanətdə günahlandırması olub. Belə ki, gənc oğlanın fikrincə, ulduz onu Pitbulla aldadır. Cennifer bu iddialardan sonra qəzəblənərək Kasperin üstünə qışqırıb. Müğənni sevgilisinə maddi vəziyyətinin ondan qat-qat üstün olmasını xatırladıb. Maraqlısı budur ki, son zamanlar Kasperin özünü Pitbulla bənzətdiyi diqqətdən qaçmır.

    Türkiyəli aktrisa Ceyda Atəş və sevgilisi Buğra Toplusoy romantik tətil zamanı kameralara yaxalanıb. Can Yurtsevdi ilə evliliyin astanasından dönən Ceyda aylar sonra məşhur iş adamlarından birinin oğlu ilə yenidən münasibət qurub. Hər kəsin gözündən uzaq yaşamağa üstünlük verən cütlük yaxtla səyahətə çıxıblar. Aktrisanın kürəyinə döydürdüyü “Can Yurtsevdi” yazısını tibbi bintlə bağladığı da gözlərdən qaçmayıb.

    Artıq bir neçə ildir ki, məşhur aktrisa 43 yaşlı Ketrin Zeta Cons ruhi xəstəlikdən əziyyət çəkir və ulduz Konnektikutda yerləşən ruhi-əsər klinikasında müalicə alır. Ilk dəfə Ketrin bu xəstəliyə həyat yoldaşı, məşhur Hollivud aktyoru Maykl Duqlas nasaz olarkən zamanı tutulmuşdu. Bu yaxınlarda isə xəstəlik özünü ikinci dəfə büruzə verib və Ketrin yenidən psixi xəstəxanaya üz tutmalı olub. Mayk Duqlas həyat yoldaşının qayğısına qalır. Belə ki, Kann film festivalından sonra o, xanımını qapısının ağzında paparazilərin dayamdığı xəstəxanadan götürüb.

 

Sahilə Aslanova

 

Muz-Tv.az