Ancelina Colinin doğum günüdür

Məşhur Hollivud ulduzu, gözəl aktrisa  Ancelina Colinin doğum günüdür.  4 iyun 1975–ci ildə ABŞ-da doğulan Coli özünü dünyanın vətəndaşı hesab edir. 

    Məşhur Hollivud ulduzu, gözəl aktrisa  Ancelina Colinin doğum günüdür.  4 iyun 1975–ci ildə ABŞ-da doğulan Coli özünü dünyanın vətəndaşı hesab edir. Amerikalı ulduzu eyni zamanda fotomodel də adlandırmaq olar.  O,  Oskar mükafatı laureatı, üç dəfə "Qızıl qlobus" mükafatının sahibi və iki dəfə Amerika aktyorları arasında Hildiya mükafatının qalibi, BMT–nin könüllü üzvüdür. Coli  məşhur amerikalı aktyor Con Voyt və yarı fransız, yarı kanadalı aktrisa Marşelin Bertranın qızıdır. Bir çox məşhur filmlərdə rol alan ulduzun ən uğurlu ekran işi “Lara Kroft” silsilə filmləri sayılır. 2005-ci ildə “Mr. və Mrs. Smit” filmində aktyor Bred Pittlə birgə rol alan Coli daha sonra onunla sevgili olur.  2013-cü ildə ailə həyatı quran cütlüyün hazırda 6 uşağı var. Xatırladaq ki, aktrisa keçən ay xərçəng xəstəliyi təhlükəsi ilə əməliyyat olunub.

    Müğənni Kənan Doğulu sevgilisi Beren Saata qeyri-adi toy hədiyyəsi alıb. Belə ki, ulduz aktrisa üçün 7 milyon dollarlıq ev alıb. Bağçası və hovuzu olan evin İstanbul Çengelköydə yerləşdiyi bildirilir. Əsil qiyməti 10 milyon dollar olan evi müğənni nəğd ödədiyi üçün 7 milyon dollara ala bilib. Cütlüyün yaxında evlənəcəyi deyilir.

    Dünyaca məşhur müğənni Rihannanın tanınmış futbolçu Ronaldo ilə fotosu yayılıb. Hər ikisinin kifayət qədər səmimi göründüyü həmin şəkildən sonra dünya mətbuatı bu iki ulduz arasında eşq macərasının olduğunu yazıb.

     Bollivud ulduzu Cia Xan intihar edib. 25 yaşlı aktrisanın cəsədi Mumbaydakı mənzilində tapılıb. Məlumata görə, Xan özünü asıb. Intiharın səbəbi açıqlanmır. Amma mərhum ulduzun yaxınlarının bildirdiyinə görə, Cia son zamanlar ağır depressiyada imiş. Məşhur aktyor Amitab Baççan ulduzun vəfatından çox kədərləndiyini söyləyib.

 

Sahilə Aslanova

 

Muz-Tv.az