İlhamə Qasımova “EMMAwards 2013” musiqi mükafatının təqdimetmə mərasiminə qatılıb

İlhamə Qasımova “EMMAwards 2013”ün Berlində keçirilən təmtəraqlı tədbirinə qonaq qismində dəvət olunub.Bu haqda açıqlama verən müğənni qaliblərdən birinə...

    İlhamə Qasımova “EMMAwards 2013”ün Berlində keçirilən təmtəraqlı tədbirinə qonaq qismində dəvət olunub. Bu haqda açıqlama verən müğənni qaliblərdən birinə mükafat təqdim etdiyini deyib: “Mən tədbirə “EMMAwards 2013”ün təşkilatçılarından olan Daniel Zauera tərəfindən dəvət olunmuşdum. Gecəyə bir çox məşhur simalar qatılmışdı. Çox sevindim ki, əsas mükafata “Boys bend US5”-in keçmiş üzvü Ceyn Han layiq görüldü. Mükafatını təqdim etdiyim digər məşhur isə Co Hendl oldu.. Tədbir çox səviyyəli və gözəl keçdi”.Qeyd edək ki, 2012-ci ildə mahnıları ilə səsini Avropaya tanıdan İlhamə “İlin ən yaxşı musiqi videosu” nominasiyası üzrə “EMMAwards” mükafatına layiq görülmüşdü

    Müğənni Nadir Qafarzadə bundan sonra qalmaqal etməyəcək. O, həmkarlarına ucuz söz-söhbətlərdən uzaq durmalarını tövsiyə edib:“Mən artıq əvvəlki Nadir deyiləm. Bundan sonra heç bir qalmaqalda adımın hallanmasına icazə verməyəcəm. Ancaq sənətimlə, işlərimlə gündəmə gələcəyəm. İndi heç qalmaqala əhəmiyyət verən tamaşaçı da yoxdur. Belə şeylər çox adiləşib. Son vaxtlar yalnız əcnəbi rejissorlarla işlərimlə, maraqlı kliplərimlə gündəmdəyəm. Demək belə şeylərlə də sevilmək, tanınmaq olur”.

     Ötən gün müğənni Ayaz Qasımovun ad günü olub. 28 yaşını qeyd edən müğənni həmin günü restoranların birində sənət dostları ilə keçirib. Onu təbrik edənlər arasında əməkdar artist Abbas Bağırov, müğənni Elvin Abdullayev, Yaşar Yusub, Günay İbrahimli və başqaları olub.

    Azərbaycanın əməkdar artisti İlqar Muradov repertuarında olan ən sevimli bəstələrindən birini ilk dəfə duet şəklində ifa edib. Əməkdar artist “Bu dünyanı nağıl bilək” adlı məhşur mahnısını həmkarı Azərinlə birgə oxuyub. Qeyd edək ki, bir müddət bundan öncə İlqar Muradov “Bu dünyanı nağıl bilək” adlı mahnısını heç kimlə duet şəklində ifa etməyəcəyini demişdi.

 

Sərvər Mehdiyev

 

Muz-Tv.az