“Eurovision” 2012 dən ən son xəbərlər

Bu gün “Eurovision” mahnı müsabiqəsinin ikinci yarımfinalında çıxış edəcək digər 10...  

Bu gün “Eurovision” mahnı müsabiqəsinin ikinci yarımfinalında çıxış edəcək digər 10 təmsilçi "Bakı Kristal Zalı"nın səhnəsində məşq ediblər.Ölkələr arasında Sloveniya,Xorvatiya,İsveç,Gürcüstan, Türkiyə ,Estoniya,Slovakiya,Norveç , Bosniya və Herseqovina,Litva yer alıb. Məşqlərə ilk olaraq Sloveniya başlasa da, daha sonra Xorvatiya təmsilçisi Nina Badriç səhnəyə çıxıb və şou göstərib, lakin o bütün məşqlərdə bəzi xareoqrafik hərəkətlərdə çətinlik çəkib.Daha sonra mətbuat konfransı keçirən müğənni 9 yaşından oxumağa başladığını açıqlayıb. O, həmçinin Bakıya gəlişinin və belə nüfuzlu bir müsabiqədə iştirakının özü üçün böyük bir hədiyyə olduğunu vurğulayıb. Nina Badric Muz tv sevərlərə səslənməyi də unutmayıb.
Müsabiqənin favoritlərindən hesab olunan İsveç iştirakçısı Lorine Zineb Noka Talhaoui məşq üçün səhnəyə çıxdıqda izdiham yaşanıb. Mətbuat konfransında isə o favorit görülməsinin səbəbini mahnını ürəkdən ifa etməsi ilə əlaqələndirib.O, həmçinin təqdim edəcəyi mahnının rəqs quruluşunun tamamilə fərqli bir formada olduğunu deyib.Konfransın sonunda isə fanatları ilə şəkil çəkdirib və avtoqraf verib.Gürcüstan təmsilçisi Anri Jokhadze “I am a Joker” mahnısının məşqlərini keçdikdən sonra “Kristal zal” ın səhnəsinə qardaş ölkə Türkiyənin “Eurovision” təmsilçisi Can Bonomo gəlib. “Love be back” mahnısı ilə hər kəsi yerindən oynadan iştirakçı məşqlərdən razı qaldığını deyib. O, daha bir sevincini mətbuat konfransı zamanı jurnalistlərlə bölüşüb. Türkiyə təmsilçisinin sözlərinə görə, o bu il ad gününü Bakıda qeyd edib və buna görə
özünü çox xoşbəxt sayır. Bakıya artıq ikinci dəfə səfər edən Türkiyə təmsilçisi şəhərimizi çox sevdiyini söyləyib.

Çinarə Nurməmmədova
Ramal Gülməmmədov

Muz -Tv.az