Mikayıl Müşfiqin 105 illik yubileyi bu dəfə fərqli qeyd olundu

5 iyun Azərbaycanda şairlər günü kimi qeyd olunur. Elə bu xüsusi gün münasibətilə möhtəşəm tədbir keçirilib. 

    5 iyun Azərbaycanda şairlər günü kimi qeyd olunur. Elə bu xüsusi gün münasibətilə möhtəşəm tədbir keçirilib. Bu mərasimi digərlərindən fərqləndirən cəhət isə bu dəfəki tədbirin dahi şair Mikayıl Müşfiqin 105 illiyinə həsr olunması olub.

    Tədbir ilk olaraq  6 ölkədən gələn şair və musiqili qonaqların dənizkənarı milli parkda dənizə 105 ədəd gül atması ilə başlayıb. Daha sonra gələn qonaqlar  Muz life kameralarına üz tutaraq tədbirin önəmindən danışıblar.Tədbirin təşkilatçısı Gövhər Həsənzadə də gecə haqqında məlumat verib.
   Dənizkənarı milli parkda başlayan tədbir Beynəlxalq Muğam Mərkəzində davam edib. İlk olaraq səhnəyə şairlərimizin obrazlarını əks etdirən kompazisiyalarla aktyorlar çıxıb. Daha sonra tədbirin aparıcıları Mikayıl Müşfiq sənətinin ucalığından danışaraq müasir dövrün şairlərini səhnəyə dəvət ediblər. Onlar da öz növbələrində Müşfiq haqqında ürək sözlərini bölüşüblər. Sonda musiqili qonaqlar tamaşaçılara kiçik konsert proqramı təqdim ediblər.

 

Səma Ələsgərova

Elfaq Lələyev

 

Muz -Tv.az