Əfsanəvi sənətkarın nəvəsi nişanlanıb
Xalq artisti Aygün Kazımovanın məşhur repçi Snup Doqla birgə üzərində çalışdığı CD artıq hazırdır.
Xalq artisti Aygün Kazımovanın məşhur repçi Snup Doqla birgə üzərində çalışdığı CD artıq hazırdır. Musiqi toplusunda həm onların birlikdə ifa etdiyi duet, həm də dünyanın məşhur DJ-ləri tərəfindən hazırlanan remiks və müxtəlif versiyalar yer alıb. Aygün Kazımovanın İstanbula bu dəfəki səfərinin səbəbi isə albomun üzqabığı olacaq fotonun seçilməsi ilə əlaqədardır. Qeyd edək ki, duet ortaqlarının klipi də artıq çəkilib. Xalq artisti yaxın günlərdə bütün sevənlərinə sürprizlər edəcəyini bildirib.
Əfsanəvi sənətkar Rəşid Behbudovun nəvəsi nişanlanıb. Bu barədə korifey müğənninin qızı, əməkdar artist Rəşidə Rəşid öz şəxsi Facebook səhifəsində məlumat verib. İfaçı çox xoşbəxt olduğunu bildirərək mərasimdə çəkilən şəkilləri heyranları ilə paylaşıb.
Gürcü qızı Mananadan xəbər var. Müğənni azərbaycanlı həmkarı, əməkdar artist Almaz Ələsgərova ilə küsülülüyə son qoyub. Almaz xanım açıqlamalarından birində bu haqda danışıb: “Mən məclislərdən birində yarım saatlıq toy aparırdım. Manana gəldi, məni görən kimi yaxınlaşdı, qucaqlayıb, öpdü. Əgər bir insan mənə bir addım atarsa, ona qarşı iki addım gedərəm. Heç vaxt kobud cavab vermərəm”.
Müğənni Emil Bədəlov “Azərbaycan” adlı vətənpərvərlik mövzusunda olan yeni mahnısını təqdim edib. Sözləri Vüqar Əhmədə, musiqisi Fərid Məmmədova aid olan mahnını Hacı Nazim aranjiman edib.
Türkiyəli müğənni Rafet El Romanın azərbaycanlı ifaçı Ezo ilə ifa etdiyi “Qəlbinə sürgün” mahnısına çəkdiyi klip artıq hazırdır. “Muz Life” Rafet və Ezonun həmin klipini təqdim edir.
“Beni durdursan mı” adlı sonuncu albomu ilə hazırda Türkiyədə ən çox dinlənilən müğənni Gülşən iyunun 30-u Azərbaycana gələcək. Bu barədə konsertin təşkilatçıları İlhan Özbay və Əli Hüseynov məlumat veriblər. Türk sənətçi elə həmin gün paytaxt Bakıda sevənlərinin qarşısında konsert proqramı ilə çıxış edəcək. Yeni albomundan olan hitlərlə yanaşı digər albomlarından da ən sevilən və unudulmaz mahnıları tamaşaçılara təqdim edəcəyi konsertdə Gülşən heyranlarına sürprizlər vəd edib.
Sahilə Aslanova
Muz-Tv.az