Ancelina Coli ən məşhur ana seçildi

Amerikalı pop ulduz Beyons məşhur kosmetik brendlərlə əməkdaşlıq etməyə davam edir. 

    Amerikalı pop ulduz Beyons məşhur kosmetik brendlərlə əməkdaşlıq etməyə davam edir. Bu günlərdə yeni dodaq boyasının reklam çarxı təqdim edildi. Müğənni çarxda cazibədarlığı və gözəl bədən quruluşu ilə hər kəsin diqqətini cəlb edib.

    Rusiyalı müğənni Dmitri Malikovun 13 yaşlı qızı da atasının yolunu davam etdirmək qərarına gəlib. Sənətçi övladının bu addımından çox qürur duyduğunu söyləyib. Gənc xanım həmçinin gitara və fortepianoda da ifa  edir. Ulduz qızının şəklini şəxsi bloqunda yerləşdirərək onu çox sevdiyini söyləyib.

    Məşhur rokçu Avril Lavin ana olmağa hazırlaşır. 28 yaşlı müğənni Londonda otellərin birində görülüb. Onun geyindiyi dar geyim bədən quruluşunda müəyyən dəyişiklərin olduğunu aydın göstərib. Paparazzilər ulduzun hamiləliyinin üç, yaxud dördüncü ayında olduğunu iddia edir. Amma Avril bu xəbərlərə şərh verməkdən çəkinib. Xatırladaq ki, cütlük 2012-ci ilin avqustunda nişanlansa da, hələ evlənmək haqqında fikirləşmir.

    Ancelina Coli keçirdiyi ağır əməliyyatdan sonra qəzetlərin və xəbər saytlarınını ilk səhifələrini tərk etmir. Hollivud ulduzu yenə seçilməyi bacarıb. Belə ki, məşhur jurnallardan birinin keçirdiyi sorğuya görə Amerika sakinləri Ancelinanı ən məşhur ana seçiblər.  İkinci sırada Qven Stefanidir. Sonrakı yerləri sırayla Kristina Agilera və Keti Holms bölüşüb.      Maraqlısı odur ki, aktrisa Riz Uizeraspun ən pis ana seçilib. Buna səbəb övladları ilə birgə yola çıxan ulduzun maşın idarə edərkən içkili olması imiş.

 

 

Sahilə Aslanova

 

Muz-Tv.az